1 Pǝrwǝrdigarƣa ⱨǝmdusanalar bolsun!

Pǝrwǝrdigar üqün yengi nahxa eytinglar.

Tǝⱪwadarlarning mǝjlisidǝ Uni mǝdⱨiyilǝnglar.

2 Isra’il ɵz Yaratⱪuqisidin xadlansun,

Si’onning baliliri ɵz Padixaⱨidin hux bolsun.

3 Ular ussul oynap Uning namini mǝdⱨiyilisun,

dap wǝ lira qelip Uningƣa mǝdⱨiyǝ nahxilirini eytsun.

4 Qünki Pǝrwǝrdigar Ɵz hǝlⱪidin sɵyünidu,

kǝmtǝr-mulayimlarni nijatliⱪ bilǝn zinnǝtlǝydu.

5 Tǝⱪwadarlar bu xan-xǝrǝptin xadlansun,

orunlirida yetip huxalliⱪtin nahxa yangratsun.

6 Ularning aƣzida Hudaƣa mǝdⱨiyǝ eytilsun,

ⱪollirida ⱪox bisliⱪ ⱪiliq bolsun.

7 Xuning bilǝn ular ǝllǝrdin intiⱪam elip,

hǝlⱪlǝrgǝ jaza berip,

8 ularning padixaⱨlirini zǝnjirlǝr bilǝn baƣlap,

esilzadilirini tɵmür kixǝnlǝr bilǝn kixǝnlǝp,

9 pütülgǝn ⱨɵkümni ularƣa ijra ⱪilidu.

Uning tǝⱪwadarlirining ⱨǝmmisigǝ bu xǝrǝp nǝsip bolidu.

Pǝrwǝrdigarƣa ⱨǝmdusanalar bolsun!