1 Pǝrwǝrdigarƣa ⱨǝmdusanalar bolsun!

Pǝrwǝrdigarni Uning muⱪǝddǝs jayida mǝdⱨiyilǝnglar,

Uning ⱪudriti ayan bolƣan asmanlarda Uni mǝdⱨiyilǝnglar.

2 Uning uluƣ ixliri üqün Uni mǝdⱨiyilǝnglar,

Uning tǝngdaxsiz uluƣluⱪi üqün Uni mǝdⱨiyilǝnglar.

3 Burƣa sadasi bilǝn Uni mǝdⱨiyilǝnglar,

qiltar wǝ lira qelip Uni mǝdⱨiyilǝnglar.

4 Dap qelip ussul oynap Uni mǝdⱨiyilǝnglar,

tarliⱪ saz wǝ nǝy qelip Uni mǝdⱨiyilǝnglar.

5 Üni jarangliⱪ qanglar qelip Uni mǝdⱨiyilǝnglar,

sadasi yangraⱪ qanglar qelip Uni mǝdⱨiyilǝnglar.

6 Jeni bar nǝrsilǝrning ⱨǝmmisi

Pǝrwǝrdigarni mǝdⱨiyilisun.

Pǝrwǝrdigarƣa ⱨǝmdusanalar bolsun!