1 Pǝrwǝrdigarƣa ⱨǝmdusanalar bolsun!

Asmanlardin Pǝrwǝrdigarƣa ⱨǝmd eytinglar.

Ərxlǝrdǝ Uni mǝdⱨiyilǝnglar.

2 Əy Uning ⱨǝmmǝ pǝrixtiliri, Uni mǝdⱨiyilǝnglar.

Əy Uning ⱨǝmmǝ ⱪoxunliri, Uni mǝdⱨiyilǝnglar.

3 Əy kün bilǝn ay, Uni mǝdⱨiyilǝnglar.

Əy ⱨǝmmǝ roxǝn yultuzlar, Uni mǝdⱨiyilǝnglar.

4 Əy asmanlarning asmanliri wǝ asmanlarning üstidiki sular,

Uni mǝdⱨiyilǝnglar.

5 Bular Pǝrwǝrdigarning namini mǝdⱨiyilisun,

qünki Uning buyruⱪi bilǝn ular yaritildi.

6 U ularni ǝbǝdil’ǝbǝdkǝ mǝzmut ⱪildi,

ularƣa buzulmas bir ⱪanun bekitti.

7 Pǝrwǝrdigarni yǝr yüzidin mǝdⱨiyilǝnglar! Əy dengizdiki qong mǝhluⱪlar wǝ ⱨǝmmǝ qongⱪur sular,

8 yalⱪun wǝ mɵldür, ⱪar wǝ ⱨor,

Uning buyruⱪini orunlaydiƣan boran,

9 ǝy taƣlar wǝ ⱨǝmmǝ dɵnglüklǝr,

mewilik dǝrǝhlǝr wǝ ⱨǝmmǝ kedir dǝrǝhliri,

10 yawayi ⱨaywanlar wǝ qarwa malning ⱨǝmmisi,

ɵmiligüqi janiwarlar wǝ ⱪanatliⱪ uqar ⱪanatlar,

11 ǝy yǝr yüzining padixaⱨliri wǝ ⱨǝmmǝ hǝlⱪlǝr,

ǝmirlǝr wǝ yǝr-yüzidǝ ⱨɵküm ⱪilƣuqilar,

12 yigitlǝr wǝ ⱪizlar, ⱪeri wǝ yaxlar,

ⱨǝmminglar Uni mǝdⱨiyilǝnglar!

13 Ular Pǝrwǝrdigarning namini mǝdⱨiyilisun,

qünki pǝⱪǝt Uning nami uluƣdur.

Uning xan-xǝripi yǝr wǝ asmanning üstididur.

14 Pǝrwǝrdigar Ɵz hǝlⱪining münggüzini egiz kɵtürdi.

Ⱨǝmmǝ tǝⱪwadarliri, Ɵzigǝ yeⱪin bolƣan Bǝni Isra’il Uni mǝdⱨiyilisun.

Pǝrwǝrdigarƣa ⱨǝmdusanalar bolsun!