1 Nǝƣmiqilǝrning bexiƣa tapxurulup, «Gittit» degǝn aⱨangda eytilsun dǝp, Dawud yazƣan mǝdⱨiyǝ nahxisi.

2 Əy Rǝbbimiz Pǝrwǝrdigar,

Sening naming pütün yǝr yüzidǝ nǝⱪǝdǝr uluƣ!

Xan-xǝripingni asmanlarning üstigǝ yeyip namayan ⱪilisǝn.

3 Sǝn balilar wǝ bowaⱪlarning aƣzidin qiⱪⱪan mǝdⱨiyǝlǝr bilǝn

Sanga ⱪarxi turƣuqilarƣa ⱪarxi küq-ⱪudrǝt tikliding,

düxmǝn wǝ ⱪisaskarni xük bolsun dǝp.

4 Mǝn barmaⱪliringning ixi bolƣan asmanliringƣa ⱪarisam,

Sǝn bekitip orunlaxturƣan ay wǝ yultuzlarƣa nǝzǝr salsam:

5 «Adǝm nemidi, Sǝn uni yad ǝtküdǝk?

Adǝm balisi nemiti, Sǝn uni yoⱪliƣudǝk?» dǝymǝn.

6 Sǝn uni pǝrixtilǝrdin sǝlla tɵwǝn ⱪilding,

uningƣa xan-xǝrǝp wǝ izzǝtning tajini kiydürdüng^◼  

7 Sǝn ⱪolliringning ixliriƣa ⱨɵkümranliⱪ ⱪilix wǝzipisini

uningƣa tapxurdung,

ⱨǝmmǝ nǝrsilǝrni uning putlirining astiƣa ⱪoydung.

8 Yǝni ⱪoy-kalilar, daladiki yawayi ⱨaywanlar,

9 ⱨawadiki uqar ⱪanatlar, dengizdiki beliⱪlar

wǝ dengizlarning yolliridin ɵtküqi janiwarlarning ⱨǝmmisini

uning ayaƣliri astiƣa ⱪoyup ⱪoydung.

10 Əy Rǝbbimiz Pǝrwǝrdigar,

Sening naming pütün yǝr yüzidǝ nǝⱪǝdǝr uluƣdur.