1 Bǝnyaminiy Kuxning ⱪilƣan sɵzi üqün Dawudning Pǝrwǝrdigarƣa iltija ⱪilip eytⱪan nahxisi.

2 Əy Pǝrwǝrdigar Hudayim, Sanga tayinimǝn.

Meni ⱪoƣliƣuqilarning ⱨǝmmisidin ⱪutⱪuzup,

meni ulardin halas ⱪilƣin.

3 Bolmisa meni ⱪutⱪuzidiƣan ⱨeqkim bolmiƣaqⱪa,

ular huddi xirdǝk meni titip parǝ-parǝ ⱪilidu.

4 Əy Pǝrwǝrdigar Hudayim, ǝgǝr mǝn bularni ⱪilƣan bolsam:

ǝgǝr ⱪollirimda ⱨǝⱪsizlik tepilsa,

5 mǝn bilǝn inaⱪ ɵtkǝn kixigǝ yamanliⱪ ⱪayturƣan bolsam,

düxminim bolƣan kixini sǝwǝbsiz ⱪoyup bǝrgǝn bolsam,

6 undaⱪta düxminim meni ⱪoƣlap tutuwalsun,

u jenimni qǝylǝp yǝr bilǝn yǝksan ⱪilsun,

xɵⱨritimni topa-qangƣa kɵmsun.

Selaⱨ.

7 Əy Pǝrwǝrdigar, ƣǝziping bilǝn ⱪozƣal,

düxmǝnlirimning ⱪǝⱨrigǝ ⱪarxi qiⱪ.

Oyƣan mǝn üqün,

ⱨɵkümlǝrni bekitküqi Sǝn Ɵzüng.

8 Hǝlⱪlǝrning jama’iti Sening ǝtrapingƣa yiƣilƣanda

ular üqün yuⱪiridiki dǝrgaⱨingƣa ⱪaytⱪaysǝn.

9 Pǝrwǝrdigar hǝlⱪlǝr üstidin ⱨɵküm qiⱪiridu.

Əy Pǝrwǝrdigar, ⱨǝⱪⱪaniyliⱪimƣa muwapiⱪ,

pakliⱪimƣa ⱪarap manga adil ⱨɵküm qiⱪarƣin.

10 Rǝzillǝrning yamanliⱪini ahirlaxturƣin,

ⱨǝⱪⱪaniy adǝmni mǝzmut turƣuzƣin.

Qünki Sǝn, adil Huda, yürǝk wǝ bɵrǝkni sinaysǝn. ^◼  

11 Mening ⱪalⱪinim Hudadur.

U kɵngli duruslarni ⱪutⱪuzidu.

12 Huda adil sotqidur.

U ⱨǝr kün ƣǝzǝplinidiƣan Hudadur.

13 Bir kixi yaman yolidin yenip towa ⱪilmisa,

U ⱪiliqini bilǝydu wǝ ya oⱪini tartip bǝtlǝp ⱪoyidu.

14 U uningƣa ⱪarxi ɵlüm ⱪorallirini tǝyyarlap ⱪoyup,

ya oⱪlirini otluⱪ ⱪilidu.

15 Mana, undaⱪ kixi rǝzillik tolƣiⱪi tartidu,

yamanliⱪⱪa ⱨamilidar bolup yalƣanqiliⱪni tuƣidu.

16 U ora kolap, uni qongⱪur ⱪildi,

lekin koliƣan orisiƣa ɵzi yiⱪilip qüxti.

17 Uning yamanliⱪi ɵzining bexiƣa ⱪaytip kelidu,

zorawanliⱪi ɵz qoⱪⱪisiƣa qüxidu.

18 Mǝn bolsam, Pǝrwǝrdigarning adaliti üqün

Uningƣa xükür eytimǝn,

ⱨǝmmidin uluƣ Hudaning namiƣa

mǝdⱨiyǝ nahxilirini oⱪuymǝn.