1 Nǝƣmiqilǝrning bexiƣa tapxurulup, tariliⱪ sazlar bilǝn Ximinit degǝn aⱨangda eytilsun dǝp, Dawud yazƣan mǝdⱨiyǝ nahxisi.

2 Əy Pǝrwǝrdigar, ƣǝzipingdǝ meni ǝyiblimigin,

ⱪǝⱨringdǝ meni jazalimiƣin.

3 Əy Pǝrwǝrdigar, manga rǝⱨim ⱪilƣin,

qünki mǝn solixip kǝttim.

Əy Pǝrwǝrdigar, manga xipa bǝrgin,

qünki ustihanlirim titrǝp boxixip kǝtti.

4 Mening jenim qɵqüp kǝtti.

Əy Pǝrwǝrdigar, ⱪaqanƣiqǝ xundaⱪ bolidu?

5 Ⱪaytip kǝlgin, ǝy Pǝrwǝrdigar, jenimni azad ⱪilƣin,

meⱨir-xǝpⱪiting bilǝn meni ⱪutⱪuzƣin.

6 Qünki ɵlümdin keyin Seni yad etix yoⱪtur.

Ɵlüklǝr diyarida kim Sanga xükür eytar?

7 Mǝn nalǝ ⱪilixtin ⱨerip kǝttim.

Ⱨǝr keqisi ornumni nǝm ⱪilip,

kɵrpǝmni yaxlirim bilǝn ⱨɵl ⱪilimǝn.

8 Kɵzlirim dǝrd-ǝlǝmdin hirǝlixip,

ⱨǝmmǝ düxmǝnlirimning dǝstidin ajizlixip kǝtti.

9 Əy ǝskilik ⱪilƣuqilar, mǝndin yiraⱪ turunglar

qünki Pǝrwǝrdigar yiƣa awazimni anglidi.

10 Pǝrwǝrdigar pǝryadimƣa ⱪulaⱪ saldi.

Du’ayimni Pǝrwǝrdigar ijabǝt ⱪilidu.

11 Düxmǝnlirimning ⱨǝmmisi

xǝrmǝndǝ bolup wǝⱨimigǝ qüxidu.

Ular birdinla kǝynigǝ yenip hijalǝttǝ ⱪalidu.