1 Nǝƣmiqilǝrning bexiƣa tapxurulup nǝylǝr bilǝn eytilsun dǝp, Dawud yazƣan mǝdⱨiyǝ nahxisi.

2 Əy Pǝrwǝrdigar, mening sɵzlirimgǝ ⱪulaⱪ salƣin,

aⱨlirimƣa kɵngül bɵlgin.

3 Əy padixaⱨim bolƣan Hudayim, nalǝmni angliƣin,

qünki Sanga du’a ⱪilimǝn.

4 Əy Pǝrwǝrdigar, sǝⱨǝrdǝ awazimni anglaysǝn.

Mǝn sǝⱨǝrdǝ iltija ⱪilip du’a ⱪilimǝn,

Sanga ⱪarap tǝlmürimǝn.

5 Sǝn yamanliⱪni yahxi kɵridiƣan Huda ǝmǝssǝn.

Yamanliⱪ Sǝn bilǝn birgǝ turalmas.

6 Sǝn ǝskilik ⱪilƣuqilarning ⱨǝmmisini yaman kɵrisǝn.

Tǝkǝbburlar aldingda tik turalmas.

7 Ⱨalak ⱪilisǝn yalƣan eytⱪuqilarni.

Ɵq kɵridu Pǝrwǝrdigar ⱪanhor wǝ ⱨiyligǝr kixilǝrni.

8 Əmma meⱨir-xǝpⱪiting intayin qong bolƣaq

mǝn muⱪǝddǝs bǝytinggǝ kirimǝn.

Mǝn muⱪǝddǝs ibadǝthanangƣa ⱪarap

Sanga ǝyminip sǝjdǝ ⱪilimǝn.

9 Əy Pǝrwǝrdigar, ⱨǝⱪⱪaniyliⱪingda meni yetǝkligin,

aldimdiki yolungni tüz ⱪilƣin,

qünki düxmǝnlirim meni paylap turidu.

10 Ularning aƣzida ⱨǝⱪiⱪǝt yoⱪtur,

kɵngli pǝⱪǝt buzuⱪluⱪ bilǝn tolƣandur.

Ularning geli oquⱪ ⱪǝbridur,

ular tilliri bilǝn huxamǝt ⱪilidu.

11 Əy Huda, ular üstidin ⱨɵküm qiⱪarƣin.

Ular ɵz mǝsliⱨǝtliri bilǝn yiⱪilsun.

Asiyliⱪlirining kɵpliki tüpǝyli ularni ⱨǝydǝp qiⱪarƣin,

qünki ular Sanga ⱪarxi qiⱪⱪan.

12 Əmma Sanga tayanƣuqilarning ⱨǝmmisi huxal bolsun.

Sǝn ularni saⱪliƣaq, ular ⱨǝmixǝ huxalliⱪtin tǝntǝnǝ ⱪilsun.

Sening namingni yahxi kɵrgüqilǝr Seningdin xadlansun.

13 Qünki Sǝn, ǝy Pǝrwǝrdigar,

ⱨǝⱪⱪaniy adǝmgǝ bǝht ata ⱪilisǝn,

ⱪalⱪan bilǝn yapⱪandǝk

uni xapa’iting bilǝn ⱪaplaysǝn.