1 Nǝƣmiqilǝrning bexiƣa tapxurulup, «Mut-Labbǝn» degǝn aⱨangda eytilsun dǝp, Dawud yazƣan mǝdⱨiyǝ nahxisi. ^◼  

2 Mǝn pütün ⱪǝlbim bilǝn Sanga,

ǝy Pǝrwǝrdigar, xükür ⱪilay,

Sening ⱨǝmmǝ ajayip ixliringni bayan ⱪilay.

3 Əy ⱨǝmmidin uluƣ Huda,

Sǝndin huxal bolup xadlinimǝn.

Sening namingƣa mǝdⱨiyǝ nahxilirini eytimǝn.

4 Düxmǝnlirim kǝynigǝ yanƣanda,

ular Sening aldingda sǝntürülüp yiⱪilip ⱨalak boldi.

5 Sǝn mening ⱨǝⱪⱪimni ⱪoƣdap, dǝwayimni ⱪolliding,

tǝhttǝ olturup, adalǝt bilǝn ⱨɵküm ⱪilding.

6 Sǝn ǝllǝrgǝ tǝnbiⱨ berip, yamanlarni ⱨalak ⱪilding,

ularning namlirini mǝnggügǝ ɵqürüwǝtting.

7 Düxmǝnlǝr mǝnggügǝ wǝyran ⱪilindi.

Sǝn ularning xǝⱨǝrlirini harabilikkǝ aylandurdung.

Ularning hatirilirimu yoⱪilip kǝtti.

8 Əmma Pǝrwǝrdigar ǝbǝdkiqǝ tǝhttǝ olturidu.

U tǝhtini ⱨɵküm üqün ⱪurƣandur.

9 U adalǝt bilǝn dunyaƣa ⱨɵküm ⱪilidu,

hǝlⱪlǝr üstidin adil ⱨɵküm qiⱪiridu.

10 Pǝrwǝrdigar zulum astida ǝzilgǝnlǝrgǝ egiz ⱪǝl’ǝdur.

U azab-oⱪubǝtlik künlǝrdǝ bir egiz ⱪǝl’ǝdur.

11 Sening namingni bilgüqilǝr Sanga tayinidu,

qünki Sǝn, ǝy Pǝrwǝrdigar,

Ɵzüngni izdigüqilǝrni ⱨǝrgiz taxlimaysǝn.

12 Si’onda makani bolƣan Pǝrwǝrdigarƣa

mǝdⱨiyǝ nahxilirini eytinglar,

hǝlⱪlǝr arisida Uning ix-ǝmǝllirini bayan ⱪilinglar.

13 Qünki tɵkülgǝn ⱪanning ⱨesabini alƣuqi Udur,

U ularni yad etip, biqarilǝrning pǝryadini untumaydu.

14 Əy Pǝrwǝrdigar, manga rǝⱨim ⱪilƣin!

Əy meni ɵlümning dǝrwaziliridin tartiwalƣuqi,

meni ɵq kɵrgǝnlǝrdin tartⱪan azab-oⱪubǝtlirimgǝ nǝzǝr salƣin!

15 Undaⱪ ⱪilsang, mǝn ⱨǝmmǝ xan-xǝripingni bayan ⱪilimǝn,

Si’on ⱪizining dǝrwazilirida turup nijatliⱪingdin xadlinimǝn. ^◼  

16 Əllǝr ɵzliri koliƣan oriƣa qüxüp kǝtti,

ularning putliri ɵzliri yoxurup ⱪoyƣan torƣa ilinip ⱪaldi.

17 Pǝrwǝrdigar Ɵz-ɵzini tonutti, U adil ⱨɵküm qiⱪardi.

Yaman adǝm ɵz ⱪollirining ixi bilǝn tutulup ⱪaldi.

Higga’on.

Selaⱨ. ^◼  

18 Yamanlar, Hudani untup ⱪalƣan ⱨǝmmǝ ǝllǝr,

ⱪayturulup, ɵlüklǝr diyariƣa qüxüp ketidu.

19 Qünki peⱪir-miskinlǝr mǝnggü untulmaydu,

ajiz biqarilǝrning ümidi ǝbǝdkiqǝ üzülmǝydu.

20 Turƣin ǝy Pǝrwǝrdigar, insan ƣalib kǝlmisun.

Əllǝr Sening aldingda soraⱪ ⱪilinsun.

21 Əy Pǝrwǝrdigar, ularni ⱪorⱪunqⱪa salƣin.

Hǝlⱪlǝr ɵzlirini pǝⱪǝtla bǝndilǝr ikǝnlikini pǝmlisun.

Selaⱨ.