1 Dawudning ɵz oƣli Abxalomdin ⱪaqⱪan waⱪtida yazƣan mǝdⱨiyǝ nahxisi.

2 Əy Pǝrwǝrdigar, düxmǝnlirim nǝⱪǝdǝr kɵpǝydi.

Nurƣunliri ⱪarxi qiⱪti manga!

3 Nurƣunlar mǝn toƣruluⱪ:

«Hudadin uningƣa nijatliⱪ yoⱪtur!» deyixidu.

Selaⱨ. ^◼  

4 Əmma Sǝn, ǝy Pǝrwǝrdigar, manga ⱪalⱪandursǝn,

mening xan-xǝripimsǝn,

mening beximni kɵtürgüqisǝn.

5 Awazim bilǝn Pǝrwǝrdigarƣa pǝryad ⱪilimǝn,

U manga muⱪǝddǝs teƣidin jawab beridu.

Selaⱨ.

6 Yattim uhlidim, yǝnǝ oyƣandim,

qünki Pǝrwǝrdigar mǝdǝtkar manga.

7 Ⱪorⱪmasmǝn meni ⱪorxap sǝp tüzgǝn

tümǝnligǝn adǝmdin.

8 Ⱪozƣal, ǝy Pǝrwǝrdigar!

Ⱪutⱪuz meni, ǝy Hudayim!

Ⱨǝmmǝ düxmǝnlirimning engikigǝ urisǝn,

yamanlarning qixlirini sundurisǝn.

9 Nijatliⱪ Pǝrwǝrdigardindur,

hǝlⱪing üstigǝ bǝrikiting ⱪonidu.

Selaⱨ.