1 Nemixⱪa hǝlⱪlǝr ƣowƣa qiⱪiridu?

Nemixⱪa adǝmlǝr ⱪuruⱪ hiyal süridu?

2 Dunyaning padixaⱨliri sǝpkǝ tizilip,

ⱨɵkümdarlar Pǝrwǝrdigar wǝ Uning Mǝsiⱨigǝ ⱪarxi birlixip:

3 «Qeⱪip taxlayli ular salƣan kixǝnlǝrni,

elip taxlayli boynimizdin ularning sirtmaⱪlirini!» deyixidu.

4 Asmanlarda olturƣuqi külidu.

Rǝbbimiz ularni mǝshirǝ ⱪilidu.

5 Andin U ƣǝzǝp bilǝn ularni agaⱨlandurup,

ⱪǝⱨri bilǝn ularni wǝⱨimigǝ selip:

6 «Mǝn muⱪǝddǝs teƣim Si’onda,

Ɵzüm mǝsiⱨligǝn padixaⱨimni tiklidim» dǝydu. ^◼  

7 Pǝrmanni bayan ⱪilay, Pǝrwǝrdigar manga mundaⱪ dedi:

«Sǝn Mening oƣlumsǝn, bügün seni tuƣuldurdum.

8 Mǝndin tilǝ, sanga ǝllǝrni miras ⱪilip berimǝn,

yǝr yüzining tamami sanga tǝwǝ bolidu.

9 Sǝn ularni tɵmür toⱪmaⱪ bilǝn urup sundurisǝn,

kulalqining kozisini qaⱪⱪandǝk ularni qeⱪip parǝ-parǝ ⱪiliwetisǝn».

10 Əmdi, ǝy padixaⱨlar, dana bolunglar.

Əy dunyaning ⱨɵkümdarliri, agaⱨ bolunglar.

11 Ⱪorⱪunq bilǝn Pǝrwǝrdigarƣa hizmǝt ⱪilinglar,

titrǝk iqidǝ sɵyününglar.

12 Oƣulni sɵyünglarki U silǝrgǝ ƣǝzǝplǝnmisun.

Qünki Uning ƣǝzipi sǝlla ⱪozƣalsa,

yolunglarda ⱨalak bolup ketisilǝr.

Uningƣa tayanƣanlarning ⱨǝmmisi bǝhtliktur! ^◼