1 Na’omining erigǝ tuƣⱪan kelidiƣan, Bo’az isimlik bir adǝm bar idi. U Elimelǝkning jǝmǝtidin bolup, intayin bay idi. 2 Mo’abiy Rut, Na’omiƣa: «Mǝn etizliⱪⱪa qiⱪip, birining nǝziridǝ iltipat tapsam, uning kǝynidin arpa baxaⱪlirini terǝymu?» dedi, u uningƣa: «Barƣin, ǝy ⱪizim» dedi.

3 Xuning bilǝn u berip, bir etizliⱪⱪa kelip, u yǝrdǝ ormiqilarning kǝynidin arpa baxaⱪlirini tǝrdi. uning bǝhtigǝ bu etizliⱪ dǝl Elimelǝkkǝ tuƣⱪan bolƣan Bo’azningki idi. 4 Bu waⱪitta Bǝytlǝⱨǝmdin kǝlgǝn Bo’az ormiqilarƣa: «Pǝrwǝrdigar silǝrgǝ yar bolƣay!» dedi. Ular uningƣa jawabǝn: «Pǝrwǝrdigar sanga bǝrikǝt ata ⱪilƣay!» deyixti. 5 Andin Bo’az ormiqilarning bexida turƣan qakiridin: «Awu kimning ⱪizi bolidu?» dǝp soridi. 6 Ormiqilarning bexida turƣan yigit jawab berip: «U Mo’abiy ⱪiz bolup, Na’omi bilǝn Mo’ab zeminidin keliptu. 7 U: ‹Ruhsǝt ⱪilsang ormiqilarning kǝynidin baƣlamlarning arisida baxaⱪ tǝrsǝm› dǝp tǝlǝp ⱪildi. U ǝtigǝndin bu waⱪitⱪiqǝ ixlǝwatidu, pǝⱪǝtla kǝpidǝ azraⱪ aram aldi» dedi.

8 Bo’az Rutⱪa: «Əy ⱪizim, anglawatamsǝn? Sǝn baxaⱪ terix üqün baxⱪa bir kixining etizliⱪiƣa barmiƣin, bu yǝrdinmu kǝtmigin. Mening dedǝklirim bilǝn muxu yǝrdǝ turƣin. 9 Ormiqilar ixligǝn yǝrdin kɵzüngni ayrimay, ularning kǝynidin ǝgixip barƣin. Sanga tǝgmǝsliki üqün yigitlǝrgǝ buyruⱪ bǝrdim. Ussap ⱪalsang, kozilardin, yigitlirim tartⱪan sudin iqkin» dedi. 10 Rut ɵzini yǝrgǝ taxlidi. U bexini yǝrgǝ tǝgküqǝ egip uningƣa tǝzim ⱪilip: «Mǝn bir musapir tursam, nemixⱪa manga xunqǝ iltipat kɵrsitip, ⱨalimdin hǝwǝr alisǝn?» dedi. 11 Bo’az uningƣa jawab berip: «Ering ɵlüp kǝtkǝndin keyin ɵz ⱪeynanang üqün ⱪilƣanliringning ⱨǝmmisini, yǝni atang bilǝn anangni wǝ ɵz wǝtiningni taxlap, ilgiri tonumiƣan hǝlⱪⱪǝ kǝlginingni anglidim. 12 Pǝrwǝrdigar ⱪilƣiningƣa muwapiⱪ sanga yandursun. Sǝn ⱪanatliri astida panaⱨ izdigǝn Isra’ilning Hudasi Pǝrwǝrdigar seni sehiyliⱪ bilǝn mukapatlisun» dedi. 13 Xuning bilǝn u: «Əy hojam, kɵzliringdǝ iltipat tapⱪaymǝn. Mǝn sening dediking bolmisammu, manga ɵz dedikingdǝk sɵzlǝp meⱨribanliⱪ bilǝn tǝsǝlli bǝrding» dedi.

14 Tamaⱪ waⱪtida Bo’az uningƣa: «Bu tǝrǝpkǝ kelip nan yegin, neningni sirkigǝ qiliƣin» dedi. Rut ormiqilarning yenida olturƣinida, Bo’az uningƣa ⱪomaq uzitip bǝrdi. U uningdin toyƣuqǝ yedi wǝ yǝnǝ exip ⱪaldi. 15 U baxaⱪ terix üqün ornidin turƣanda Bo’az ɵz yigitlirigǝ: «Uningƣa hapiliⱪ salmay, baƣlamlarning arisidimu baxaⱪ terixigǝ ruhsǝt ⱪilinglar. 16 Silǝr yǝnǝ baƣlamlardin baxaⱪlarni ayrip, uning teriwelixi üqün qüxürüp ⱪoyunglar. Uni ⱨeq azarlimanglar» dedi.

17 U ahxamƣiqǝ etizliⱪta baxaⱪ tǝrdi. U tǝrgǝn baxaⱪlarni soⱪⱪanda tǝhminǝn bir efa qiⱪti. ^◼   18 Andin u yükni elip, xǝⱨǝrgǝ kirdi. Ⱪeynanisi uning terip kǝlgǝn baxaⱪlirini kɵrdi. Rut ⱨǝm yǝp toyƣandin keyin exip ⱪalƣinini qiⱪirip ⱪeynanisiƣa bǝrdi. 19 Ⱪeynanisi uningƣa: «Sǝn bügün ⱪǝyǝrdǝ baxaⱪ tǝrding, ⱪǝyǝrdǝ ixliding? Sanga ƣǝmhorluⱪ ⱪilƣan kixi bǝrikǝt tapsun» dedi. U ɵz ⱪeynanisiƣa kimningkidǝ ix ⱪilƣinini eytip: «Mǝn bügün Bo’az degǝn adǝmningkidǝ ixlidim» dedi. 20 Na’omi kelinigǝ: «Tiriklǝrgimu wǝ mǝrⱨumlarƣimu meⱨir-xǝpⱪitini kɵrsitixtin bax tartmiƣan kixi Pǝrwǝrdigar tǝripidin bǝrikǝt tapsun» dedi. Andin Na’omi uningƣa yǝnǝ: «U adǝm bizgǝ yeⱪin tuƣⱪan bolup, bizni ⱪutulduralaydiƣan tuƣⱪanlardin biridur» dedi. ^◼   21 Mo’abiy Rut eytti: «U manga yǝnǝ: ‹Mening yigitlirim ⱨǝmmǝ ⱨosulumni yiƣip bolƣuqǝ ular bilǝn billǝ bolƣin› dedi». 22 Na’omi kelini Rutⱪa: «Əy ⱪizim, baxⱪisining etizliⱪida birawning sanga ǝskilik ⱪilmasliⱪi üqün, uning dedǝkliri bilǝn qiⱪⱪining yahxidur» dedi. 23 Xundaⱪ ⱪilip Rut arpa wǝ buƣday ⱨosuli yiƣilip bolƣuqǝ Bo’azning dedǝkliri bilǝn yürüp baxaⱪ tǝrdi. Lekin u ⱪeynanisi bilǝn billǝ turdi.