1 Musa ibadǝt qedirini tikip bolƣan küni, u qedirni wǝ ⱨǝmmǝ ǝswab-jabduⱪlirini mǝsiⱨlǝp muⱪǝddǝs ⱪildi. U ⱪurbangaⱨ wǝ uning ⱨǝmmǝ ǝswablirinimu mǝsiⱨlǝp muⱪǝddǝs ⱪildi. 2 Andin ⱪǝbililǝrning baxliⱪliri bolƣan Isra’ilning ǝmirliri, yǝni sanaⱪtin ɵtküzülgǝnlǝrgǝ mǝs’ul ⱪilip tǝyinlǝngǝn ⱪǝbilǝ baxliⱪliri ⱨǝdiyǝlǝr kǝltürdi. 3 Ular Pǝrwǝrdigarning aldiƣa üsti yepiⱪliⱪ altǝ ⱨarwa wǝ on ikki ɵküzni elip kǝldi. Ⱨǝr ikki ǝmir birlixip birdin ⱨarwa kǝltürdi, ⱨǝrbir ǝmir birdin ɵküz elip kǝldi. Ular bularni ibadǝt qedirining aldiƣa kǝltürdi.

4 Pǝrwǝrdigar Musaƣa sɵz ⱪilip:

5 «Uqrixix qedirining hizmitigǝ ixlitix üqün sǝn bu nǝrsilǝrni ularning ⱪolidin ⱪobul ⱪilip, Lawiylarƣa bǝrgin, ⱨǝrbirining ⱪilidiƣan hizmitigǝ ⱪarap ularƣa tapxurƣin» dedi. 6 Xuning bilǝn Musa ⱨarwilar wǝ ɵküzlǝrni ⱪobul ⱪilip, Lawiylarƣa bǝrdi. 7 Ularning hizmitigǝ muwapiⱪ ⱨalda, ikki ⱨarwa wǝ tɵt ɵküzni Gǝrxonning ǝwladliriƣa bǝrdi. 8 Mǝrarining ǝwladliriƣa, ularning kaⱨin Ⱨarunning oƣli Itamarning ⱪol astida ⱪilidiƣan hizmitigǝ muwapiⱪ ⱨalda tɵt ⱨarwa wǝ sǝkkiz ɵküz bǝrdi. 9 Lekin Ⱪoⱨatning ǝwladliriƣa ⱨeqnemǝ bǝrmidi, qünki ularning wǝzipisi ɵz müriliridǝ muⱪǝddǝs nǝrsilǝrni kɵtürüx idi.

10 ⱪurbangaⱨ mǝsiⱨlǝngǝn küni, jama’ǝtning baxliⱪliri uni Hudaƣa atax üqün ⱨǝdiyǝlǝr elip kǝldi. Baxliⱪlar ⱨǝdiyǝlirini ⱪurbangaⱨning aldiƣa kǝltürüxti. 11 Pǝrwǝrdigar Musaƣa: «Baxliⱪlar birdin-birdin, ⱨǝrbiri ɵz künidǝ, ⱪurbangaⱨni atax üqün ⱨǝdiyǝlirini kǝltürsun» dedi.

12 Birinqi küni Yǝⱨuda ⱪǝbilisidin bolƣan Aminadabning oƣli Naⱨxon ɵz ⱨǝdiyǝsini kǝltürdi. 13 Uning ⱨǝdiyǝsi muⱪǝddǝs jayning xekǝlining ɵlqimi boyiqǝ eƣirliⱪi bir yüz ottuz xekǝl bolƣan bir kümüx tawaⱪ wǝ eƣirliⱪi yǝtmix xekǝl bolƣan bir kümüx jawur idi. Ⱨǝr ikkisigǝ axliⱪ ⱨǝdiyǝsi bolsun dǝp, yaƣ arilaxturulƣan esil un toldurulƣanidi. 14 Buningdin baxⱪa, u eƣirliⱪi on xekǝl bolƣan, huxbuy isriⱪ bilǝn toldurulƣan bir altun piyalǝ, 15 kɵydürmǝ ⱪurbanliⱪ üqün bir torpaⱪ, bir ⱪoqⱪar wǝ bir yaxliⱪ bir ǝrkǝk ⱪoza, 16 gunaⱨ ⱪurbanliⱪi üqün bir tekǝ, 17 amanliⱪ ⱪurbanliⱪi üqün ikki buⱪa, bǝx ⱪoqⱪar, bǝx tekǝ wǝ bir yaxliⱪ bǝx ǝrkǝk ⱪozini kǝltürdi. Bu Aminadabning oƣli Naⱨxonning ⱨǝdiyǝsi idi.

18 Ikkinqi küni Issakar ⱪǝbilisining baxliⱪi Zo’arning oƣli Nǝtanǝl ⱨǝdiyǝsini kǝltürdi. 19 U ⱨǝdiyǝ ⱪilix üqün muⱪǝddǝs jayning xekǝlining ɵlqimi boyiqǝ eƣirliⱪi bir yüz ottuz xekǝl bolƣan bir kümüx tawaⱪni wǝ eƣirliⱪi yǝtmix xekǝl bolƣan bir kümüx jawurni elip kǝldi. Ⱨǝr ikkisigǝ axliⱪ ⱨǝdiyǝsi bolsun dǝp, yaƣ arilaxturulƣan esil un toldurulƣanidi. 20 Buningdin baxⱪa, u eƣirliⱪi on xekǝl bolƣan, huxbuy isriⱪ bilǝn toldurulƣan bir altun piyalǝ, 21 kɵydürmǝ ⱪurbanliⱪ üqün bir torpaⱪ, bir ⱪoqⱪar wǝ bir yaxliⱪ bir ǝrkǝk ⱪoza, 22 gunaⱨ ⱪurbanliⱪi üqün bir tekǝ, 23 amanliⱪ ⱪurbanliⱪi üqün ikki buⱪa, bǝx ⱪoqⱪar, bǝx tekǝ wǝ bir yaxliⱪ bǝx ǝrkǝk ⱪozini kǝltürdi. Bu Zo’arning oƣli Nǝtanǝlning ⱨǝdiyǝsi idi.

24 Üqinqi küni Zǝbulun ⱪǝbilisining baxliⱪi Helonning oƣli Eliyab ⱨǝdiyǝsini kǝltürdi. 25 Uning ⱨǝdiyǝsi muⱪǝddǝs jayning xekǝlining ɵlqimi boyiqǝ eƣirliⱪi bir yüz ottuz xekǝl bolƣan bir kümüx tawaⱪ wǝ eƣirliⱪi yǝtmix xekǝl bolƣan bir kümüx jawur idi. Ⱨǝr ikkisigǝ axliⱪ ⱨǝdiyǝsi bolsun dǝp, yaƣ arilaxturulƣan esil un toldurulƣanidi. 26 Buningdin baxⱪa, u eƣirliⱪi on xekǝl bolƣan, huxbuy isriⱪ bilǝn toldurulƣan bir altun piyalǝ, 27 kɵydürmǝ ⱪurbanliⱪ üqün bir torpaⱪ, bir ⱪoqⱪar wǝ bir yaxliⱪ bir ǝrkǝk ⱪoza, 28 gunaⱨ ⱪurbanliⱪi üqün bir tekǝ, 29 amanliⱪ ⱪurbanliⱪi üqün ikki buⱪa, bǝx ⱪoqⱪar, bǝx tekǝ wǝ bir yaxliⱪ bǝx ǝrkǝk ⱪozini kǝltürdi. Bu Ⱨelonning oƣli Eliyabning ⱨǝdiyǝsi idi.

30 Tɵtinqi küni Rubǝn ⱪǝbilisining baxliⱪi Xede’urning oƣli Elizur ⱨǝdiyǝsini kǝltürdi. 31 Uning ⱨǝdiyǝsi muⱪǝddǝs jayning xekǝlining ɵlqimi boyiqǝ eƣirliⱪi bir yüz ottuz xekǝl bolƣan bir kümüx tawaⱪ wǝ eƣirliⱪi yǝtmix xekǝl bolƣan bir kümüx jawur idi. Ⱨǝr ikkisigǝ axliⱪ ⱨǝdiyǝsi bolsun dǝp, yaƣ arilaxturulƣan esil un toldurulƣanidi. 32 Buningdin baxⱪa, u eƣirliⱪi on xekǝl bolƣan, huxbuy isriⱪ bilǝn toldurulƣan bir altun piyalǝ, 33 kɵydürmǝ ⱪurbanliⱪ üqün bir torpaⱪ, bir ⱪoqⱪar wǝ bir yaxliⱪ bir ǝrkǝk ⱪoza, 34 gunaⱨ ⱪurbanliⱪi üqün bir tekǝ, 35 amanliⱪ ⱪurbanliⱪi üqün ikki buⱪa, bǝx ⱪoqⱪar, bǝx tekǝ wǝ bir yaxliⱪ bǝx ǝrkǝk ⱪozini kǝltürdi. Bu Xede’urning oƣli Elizurning ⱨǝdiyǝsi idi.

36 Bǝxinqi küni Ximon ⱪǝbilisining baxliⱪi Zurixadayning oƣli Xelumi’ǝl ⱨǝdiyǝsini kǝltürdi. 37 Uning ⱨǝdiyǝsi muⱪǝddǝs jayning xekǝlining ɵlqimi boyiqǝ eƣirliⱪi bir yüz ottuz xekǝl bolƣan bir kümüx tawaⱪ wǝ eƣirliⱪi yǝtmix xekǝl bolƣan bir kümüx jawur idi. Ⱨǝr ikkisigǝ axliⱪ ⱨǝdiyǝsi bolsun dǝp, yaƣ arilaxturulƣan esil un toldurulƣanidi. 38 Buningdin baxⱪa, u eƣirliⱪi on xekǝl bolƣan, huxbuy isriⱪ bilǝn toldurulƣan bir altun piyalǝ, 39 kɵydürmǝ ⱪurbanliⱪ üqün bir torpaⱪ, bir ⱪoqⱪar wǝ bir yaxliⱪ bir ǝrkǝk ⱪoza, 40 gunaⱨ ⱪurbanliⱪi üqün bir tekǝ, 41 amanliⱪ ⱪurbanliⱪi üqün ikki buⱪa, bǝx ⱪoqⱪar, bǝx tekǝ wǝ bir yaxliⱪ bǝx ǝrkǝk ⱪozini kǝltürdi. Bu Zurixadayning oƣli Xelumi’ǝlning ⱨǝdiyǝsi idi.

42 Altinqi küni Gad ⱪǝbilisining baxliⱪi Dǝyu’ǝlning oƣli Əlyasaf ⱨǝdiyǝsini kǝltürdi. 43 Uning ⱨǝdiyǝsi muⱪǝddǝs jayning xekǝlining ɵlqimi boyiqǝ eƣirliⱪi bir yüz ottuz xekǝl bolƣan bir kümüx tawaⱪ wǝ eƣirliⱪi yǝtmix xekǝl bolƣan bir kümüx jawur idi. Ⱨǝr ikkisigǝ axliⱪ ⱨǝdiyǝsi bolsun dǝp, yaƣ arilaxturulƣan esil un toldurulƣanidi. 44 Buningdin baxⱪa, u eƣirliⱪi on xekǝl bolƣan, huxbuy isriⱪ bilǝn toldurulƣan bir altun piyalǝ, 45 kɵydürmǝ ⱪurbanliⱪ üqün bir torpaⱪ, bir ⱪoqⱪar wǝ bir yaxliⱪ bir ǝrkǝk ⱪoza, 46 gunaⱨ ⱪurbanliⱪi üqün bir tekǝ, 47 amanliⱪ ⱪurbanliⱪi üqün ikki buⱪa, bǝx ⱪoqⱪar, bǝx tekǝ wǝ bir yaxliⱪ bǝx ǝrkǝk ⱪozini kǝltürdi. Bu Dǝyu’ǝlning oƣli Əlyasafning ⱨǝdiyǝsi idi.

48 Yǝttinqi küni Əfra’im ⱪǝbilisining baxliⱪi Ammiⱨudning oƣli Əlixama ⱨǝdiyǝsini kǝltürdi. 49 Uning ⱨǝdiyǝsi muⱪǝddǝs jayning xekǝlining ɵlqimi boyiqǝ eƣirliⱪi bir yüz ottuz xekǝl bolƣan bir kümüx tawaⱪ wǝ eƣirliⱪi yǝtmix xekǝl bolƣan bir kümüx jawur idi. Ⱨǝr ikkisigǝ axliⱪ ⱨǝdiyǝsi bolsun dǝp, yaƣ arilaxturulƣan esil un toldurulƣanidi. 50 Buningdin baxⱪa, u eƣirliⱪi on xekǝl bolƣan, huxbuy isriⱪ bilǝn toldurulƣan bir altun piyalǝ, 51 kɵydürmǝ ⱪurbanliⱪ üqün bir torpaⱪ, bir ⱪoqⱪar wǝ bir yaxliⱪ bir ǝrkǝk ⱪoza, 52 gunaⱨ ⱪurbanliⱪi üqün bir tekǝ, 53 amanliⱪ ⱪurbanliⱪi üqün ikki buⱪa, bǝx ⱪoqⱪar, bǝx tekǝ wǝ bir yaxliⱪ bǝx ǝrkǝk ⱪozini kǝltürdi. Bu Ammiⱨudning oƣli Əlixamaning ⱨǝdiyǝsi idi.

54 Sǝkkizinqi küni Manassǝ ⱪǝbilisining baxliⱪi Pedaⱨsurning oƣli Gamli’ǝl ⱨǝdiyǝsini kǝltürdi. 55 Uning ⱨǝdiyǝsi muⱪǝddǝs jayning xekǝlining ɵlqimi boyiqǝ eƣirliⱪi bir yüz ottuz xekǝl bolƣan bir kümüx tawaⱪ wǝ eƣirliⱪi yǝtmix xekǝl bolƣan bir kümüx jawur idi. Ⱨǝr ikkisigǝ axliⱪ ⱨǝdiyǝsi bolsun dǝp, yaƣ arilaxturulƣan esil un toldurulƣanidi. 56 Buningdin baxⱪa, u eƣirliⱪi on xekǝl bolƣan, huxbuy isriⱪ bilǝn toldurulƣan bir altun piyalǝ, 57 kɵydürmǝ ⱪurbanliⱪ üqün bir torpaⱪ, bir ⱪoqⱪar wǝ bir yaxliⱪ bir ǝrkǝk ⱪoza, 58 gunaⱨ ⱪurbanliⱪi üqün bir tekǝ, 59 amanliⱪ ⱪurbanliⱪi üqün ikki buⱪa, bǝx ⱪoqⱪar, bǝx tekǝ wǝ bir yaxliⱪ bǝx ǝrkǝk ⱪozini kǝltürdi. Bu Pedaⱨsurning oƣli Gamli’ǝlning ⱨǝdiyǝsi idi.

60 Toⱪⱪuzinqi küni Bǝnyamin ⱪǝbilisining baxliⱪi Gidonining oƣli Abidan ⱨǝdiyǝsini kǝltürdi. 61 Uning ⱨǝdiyǝsi muⱪǝddǝs jayning xekǝlining ɵlqimi boyiqǝ eƣirliⱪi bir yüz ottuz xekǝl bolƣan bir kümüx tawaⱪ wǝ eƣirliⱪi yǝtmix xekǝl bolƣan bir kümüx jawur idi. Ⱨǝr ikkisigǝ axliⱪ ⱨǝdiyǝsi bolsun dǝp, yaƣ arilaxturulƣan esil un toldurulƣanidi. 62 Buningdin baxⱪa, u eƣirliⱪi on xekǝl bolƣan, huxbuy isriⱪ bilǝn toldurulƣan bir altun piyalǝ, 63 kɵydürmǝ ⱪurbanliⱪ üqün bir torpaⱪ, bir ⱪoqⱪar wǝ bir yaxliⱪ bir ǝrkǝk ⱪoza, 64 gunaⱨ ⱪurbanliⱪi üqün bir tekǝ, 65 amanliⱪ ⱪurbanliⱪi üqün ikki buⱪa, bǝx ⱪoqⱪar, bǝx tekǝ wǝ bir yaxliⱪ bǝx ǝrkǝk ⱪozini kǝltürdi. Bu Gidonining oƣli Abidanning ⱨǝdiyǝsi idi.

66 Oninqi küni Dan ⱪǝbilisining baxliⱪi Amixadayning oƣli Ahi’ǝzǝr ⱨǝdiyǝsini kǝltürdi. 67 Uning ⱨǝdiyǝsi muⱪǝddǝs jayning xekǝlining ɵlqimi boyiqǝ eƣirliⱪi bir yüz ottuz xekǝl bolƣan bir kümüx tawaⱪ wǝ eƣirliⱪi yǝtmix xekǝl bolƣan bir kümüx jawur idi. Ⱨǝr ikkisigǝ axliⱪ ⱨǝdiyǝsi bolsun dǝp, yaƣ arilaxturulƣan esil un toldurulƣanidi. 68 Buningdin baxⱪa, u eƣirliⱪi on xekǝl bolƣan, huxbuy isriⱪ bilǝn toldurulƣan bir altun piyalǝ, 69 kɵydürmǝ ⱪurbanliⱪ üqün bir torpaⱪ, bir ⱪoqⱪar wǝ bir yaxliⱪ bir ǝrkǝk ⱪoza, 70 gunaⱨ ⱪurbanliⱪi üqün bir tekǝ, 71 amanliⱪ ⱪurbanliⱪi üqün ikki buⱪa, bǝx ⱪoqⱪar, bǝx tekǝ wǝ bir yaxliⱪ bǝx ǝrkǝk ⱪozini kǝltürdi. Bu Amixadayning oƣli Ahi’ǝzǝrning ⱨǝdiyǝsi idi.

72 On birinqi küni Axǝr ⱪǝbilisining baxliⱪi Okranning oƣli Pagi’ǝl ⱨǝdiyǝsini kǝltürdi. 73 Uning ⱨǝdiyǝsi muⱪǝddǝs jayning xekǝlining ɵlqimi boyiqǝ eƣirliⱪi bir yüz ottuz xekǝl bolƣan bir kümüx tawaⱪ wǝ eƣirliⱪi yǝtmix xekǝl bolƣan bir kümüx jawur idi. Ⱨǝr ikkisigǝ axliⱪ ⱨǝdiyǝsi bolsun dǝp, yaƣ arilaxturulƣan esil un toldurulƣanidi. 74 Buningdin baxⱪa, u eƣirliⱪi on xekǝl bolƣan, huxbuy isriⱪ bilǝn toldurulƣan bir altun piyalǝ, 75 kɵydürmǝ ⱪurbanliⱪ üqün bir torpaⱪ, bir ⱪoqⱪar wǝ bir yaxliⱪ bir ǝrkǝk ⱪoza, 76 gunaⱨ ⱪurbanliⱪi üqün bir tekǝ, 77 amanliⱪ ⱪurbanliⱪi üqün ikki buⱪa, bǝx ⱪoqⱪar, bǝx tekǝ wǝ bir yaxliⱪ bǝx ǝrkǝk ⱪozini kǝltürdi. Bu Okranning oƣli Pagi’ǝlning ⱨǝdiyǝsi idi.

78 On ikkinqi küni Naftali ⱪǝbilisining baxliⱪi Enanning oƣli Ahira ⱨǝdiyǝsini kǝltürdi. 79 Uning ⱨǝdiyǝsi muⱪǝddǝs jayning xekǝlining ɵlqimi boyiqǝ eƣirliⱪi bir yüz ottuz xekǝl bolƣan bir kümüx tawaⱪ wǝ eƣirliⱪi yǝtmix xekǝl bolƣan bir kümüx jawur idi. Ⱨǝr ikkisigǝ axliⱪ ⱨǝdiyǝsi bolsun dǝp, yaƣ arilaxturulƣan esil un toldurulƣanidi. 80 Buningdin baxⱪa, u eƣirliⱪi on xekǝl bolƣan, huxbuy isriⱪ bilǝn toldurulƣan bir altun piyalǝ, 81 kɵydürmǝ ⱪurbanliⱪ üqün bir torpaⱪ, bir ⱪoqⱪar wǝ bir yaxliⱪ bir ǝrkǝk ⱪoza, 82 gunaⱨ ⱪurbanliⱪi üqün bir tekǝ, 83 amanliⱪ ⱪurbanliⱪi üqün ikki buⱪa, bǝx ⱪoqⱪar, bǝx tekǝ wǝ bir yaxliⱪ bǝx ǝrkǝk ⱪozini kǝltürdi. Bu Enanning oƣli Ahiraning ⱨǝdiyǝsi idi.

84 Ⱪurbangaⱨning mǝsiⱨlǝngǝn künidǝ, Isra’ilning baxliⱪliri uni Hudaƣa atax üqün kǝltürgǝn ⱨǝdiyǝlǝr on ikki danǝ kümüx tawaⱪ, on ikki danǝ kümüx jawur wǝ on ikki danǝ altun piyalǝ idi.

85 Ⱨǝrbir kümüx tawaⱪning eƣirliⱪi bir yüz ottuz xekǝl idi wǝ ⱨǝr jawurning eƣirliⱪi yǝtmix xekǝl idi. Bu ⱪaqa-ⱪuqilarning kümüxi muⱪǝddǝs jayning xekǝlining ɵlqimi boyiqǝ jǝm’iy ikki ming tɵt yüz xekǝl idi.

86 Huxbuy isriⱪ bilǝn toldurulƣan on ikki danǝ altun piyalining eƣirliⱪi muⱪǝddǝs jayning xekǝlining ɵlqimi boyiqǝ on xekǝldin idi, altun piyalilǝrning jǝm’iy eƣirliⱪi bir yüz yigirmǝ xekǝl idi.

87 Kɵydürmǝ ⱪurbanliⱪ üqün kǝltürülgǝn qarwa mal bolsa on ikki torpaⱪ, on ikki ⱪoqⱪar wǝ bir yaxliⱪ on ikki ǝrkǝk ⱪoza idi. Buningdin baxⱪa, buningƣa ⱪoxup axliⱪ ⱨǝdiyǝsi wǝ gunaⱨ ⱪurbanliⱪi üqün on ikki tekǝ kǝltürülgǝnidi.

88 Amanliⱪ ⱪurbanliⱪi üqün kǝltürülgǝn qarwa mallirining jǝm’iy sani yigirmǝ tɵt torpaⱪ, atmix ⱪoqⱪar, atmix tekǝ wǝ bir yaxliⱪ atmix ǝrkǝk ⱪoza idi. Bular ⱪurbangaⱨni mǝsiⱨligǝndin keyin uni atax üqün kǝltürülgǝn ⱨǝdiyǝlǝr idi.

89 Musa Pǝrwǝrdigar bilǝn sɵzlǝxkili uqrixix qediriƣa kirgǝn qaƣda, xaⱨadǝt sanduⱪining üstigǝ ⱪoyulƣan mǝrⱨǝmǝt tǝhtining üstidiki ikki kerubning otturisidin Uning awazini anglaytti. U yǝrdǝ Pǝrwǝrdigar uning bilǝn sɵzlixǝtti. ^◼