1 Pǝrwǝrdigar Musaƣa sɵz ⱪilip mundaⱪ dedi:

2 «Bǝni Isra’ilƣa: ‹Silǝr ⱨǝrⱪandaⱪ mahaw yaki aⱪma kesili bar kixini wǝ yaki ɵlükning sǝwǝbidin ɵzini napak ⱪilƣan kixini bargaⱨtin qiⱪiriwetinglar› dǝp buyruƣin. 3 Mǝyli ǝr yaki ayal kixi bolsun ularni ⱨǝydǝp, bargaⱨning taxⱪiriƣa qiⱪiriwetinglar. Bolmisa, ular Mǝn otturisida turƣan ɵzlirining bargaⱨlirini napak ⱪilip salidu».

4 Bǝni Isra’il xundaⱪ ⱪilip, ularni bargaⱨning taxⱪiriƣa qiⱪiriwǝtti. Pǝrwǝrdigar Musaƣa ⱪandaⱪ buyruƣan bolsa, Bǝni Isra’il xundaⱪ ⱪildi.

5 Pǝrwǝrdigar Musaƣa sɵz ⱪilip mundaⱪ dedi:

6 «Sǝn Bǝni Isra’ilƣa mundaⱪ degin: ‹Əgǝr bir ǝr yaki ayal kixi adǝmlǝr ⱪilixi mumkin bolƣan ⱨǝrⱪandaⱪ bir gunaⱨni ⱪilix arⱪiliⱪ Pǝrwǝrdigarƣa wapasizliⱪ ⱪilip, gunaⱨkar bolup ⱪalsa, 7 u ɵzi ⱪilƣan gunaⱨini iⱪrar ⱪilip, yǝtküzgǝn ziyanni toluⱪ tɵlǝp, buningƣa bǝxtin birinimu ⱪoxup, ziyan yǝtküzgǝn kixigǝ bǝrsun.

8 Lekin u kixi ɵlüp ketip, u kixining yǝtküzgǝn ziyini üqün berilidiƣan pulni tapxuruwelix üqün uning tuƣⱪini bolmisa, tɵlǝp berilidiƣan pul gunaⱨkar bolƣan kixining kǝfariti üqün sunulidiƣan ⱪoqⱪarƣa ⱪoxulup, Pǝrwǝrdigarƣa atilip, kaⱨinƣa tǝgsun. ^◼   9 Buningdin baxⱪa, Bǝni Isra’il, ⱨǝdiyǝ bolsun dǝp, kaⱨinƣa kǝltüridiƣan ⱨǝrbir muⱪǝddǝs nǝrsimu uningƣa tegidu. 10 Ⱨǝmmǝ kixining muⱪǝddǝs ⱨǝdiyǝliri uningƣa tegidu. Ⱨǝrⱪandaⱪ kixi kaⱨinƣa nemǝ bǝrsǝ, u uning bolidu›».

11 Pǝrwǝrdigar Musaƣa sɵz ⱪilip mundaⱪ dedi:

12 «Sǝn Bǝni Isra’ilƣa mundaⱪ degin: ‹Əgǝr bir kixining hotuni eziⱪip, uningƣa wapasizliⱪ ⱪilip, 13 eridin yoxurun ⱨalda baxⱪa biri bilǝn munasiwǝt ⱪilip, bulƣanƣan bolsimu, ǝmma u zina ⱪilip tutulup ⱪalmiƣini wǝ guwaⱨqi bolmiƣini üqün uning ⱪilmixi axkarilanmiƣan bolsa, 14 wǝ xundaⱪ ǝⱨwalda, eri ɵz hotunidin guman ⱪilip künligǝndǝ hotuni rasttinla bulƣanƣan bolsa, yaki u ǝsli bulƣanmiƣan turuⱪluⱪ eri uningdin gumanlinip künlisǝ, 15 u kixi ɵz hotunini kaⱨinning aldiƣa kǝltürüp, uning üqün ⱨǝdiyǝ berixkǝ arpa unidin ondin bir efani elip kǝlsun. Uning üstigǝ yaƣ ⱪuymisun wǝ mǝstiki selip ⱪoymisun. Qünki bu künlǝx ⱨǝdiyǝsi bolup, yamanliⱪni ǝskǝ kǝltüridiƣan ǝslǝtmǝ axliⱪ ⱨǝdiyǝsidur. ^◼  

16 Kaⱨin bu ayalni yeⱪin kǝltürüp, Pǝrwǝrdigarning aldida turƣuzup ⱪoysun. 17 Andin kaⱨin bir sapal ⱪaqiƣa muⱪǝddǝs suni ⱪuysun wǝ ibadǝt qedirining yǝr topisidin elip, bu suƣa salsun. 18 Andin keyin kaⱨin bu ayalni Pǝrwǝrdigarning aldida turƣuzup ⱪoyup, ayalning bexini eqip, ǝslǝtmǝ axliⱪ ⱨǝdiyǝsi, yǝni künlǝx ⱨǝdiyǝsini uning ⱪoliƣa tutⱪuzup ⱪoysun wǝ kaⱨin ɵz ⱪoliƣa lǝnǝt kǝltüridiƣan piƣan süyini alsun. 19 Andin keyin kaⱨin bu ayalƣa ⱪǝsǝm iqküzüp mundaⱪ desun: «Əgǝr sǝn bilǝn bir kixi yetip munasiwǝt ⱪilmiƣan bolsa wǝ ɵzüng eringning ⱪolida turup, eziⱪip bulƣanmiƣan bolsang, lǝnǝt kǝltüridiƣan bu piƣan süyidin sǝn ⱪutulup ⱪalisǝn. 20 Lekin sǝn eringning ⱪolida turup, eziⱪip, baxⱪa kixi bilǝn yetip munasiwǝt ⱪilip, ɵzüngni bulƣiƣan bolsang, 21 Pǝrwǝrdigar yotangni yiglitip, ⱪorsiⱪingni ixxitip, seni hǝlⱪ iqidǝ ibrǝt ⱪilip, lǝnǝtkǝ uqratsun. 22 Lǝnǝt kǝltüridiƣan bu su sening üqǝyliringgǝ berip, ⱪorsiⱪingni ixxitip, yotangni yiglitiwǝtsun». Kaⱨin mundaⱪ degǝndin keyin ayal: «Amin amin» desun.

23 Andin keyin kaⱨin bu lǝnǝtlǝrni ⱪǝƣǝzƣǝ yezip, hǝtni piƣan süyidǝ qayⱪap, 24 lǝnǝt kǝltüridiƣan bu su ayalning iqigǝ kirginidǝ uningƣa dǝrd-ǝlǝm kǝltürsun dǝp, piƣan süyini u ayalƣa iqürsun. 25 Andin keyin kaⱨin künlǝx axliⱪ ⱨǝdiyǝsini ayalning ⱪolidin elip, uni Pǝrwǝrdigarning aldida pulanglitip, ⱪurbangaⱨning aldiƣa kǝltürsun. 26 Kaⱨin, yadlinix ⱨǝssisi bolsun dǝp, axliⱪ ⱨǝdiyǝsidin bir siⱪim elip, uni ⱪurbangaⱨta kɵydürsün, andin keyin ayalƣa suni iqürsun. 27 Bu suni uningƣa iqürginidǝ, ayal bulƣanƣan bolup, rasttinla ɵz erigǝ wapasizliⱪ ⱪilƣan bolsa, lǝnǝt kǝltüridiƣan bu su uning ⱪorsiⱪiƣa kirgǝn ⱨaman aqqiⱪ aƣriⱪ pǝyda ⱪilidu, uning ⱪorsiⱪi ixxip, yotisi yigilǝp ketidu. Xuning bilǝn bu ayal ɵz hǝlⱪi iqidǝ lǝnǝtkǝ uqraydu. 28 Lekin bu ayal pak bolup bulƣanmiƣan bolsa, u saⱪ ⱪelip, pǝrzǝnt kɵrǝlǝydu.

29 Bu künlǝx toƣrisidiki ⱪanundur, yǝni bir ayal erining ⱪolida turup, eziⱪip ɵzini bulƣiƣan bolsa, 30 yaki ǝr kixi künlǝp ɵz hotunidin guman ⱪilsa, nemǝ ⱪilixini kɵrsitidiƣan ⱪanundur. Undaⱪ bir ǝⱨwalda kaⱨin ayalni Pǝrwǝrdigarning aldida turƣuzup, bu ⱪanun boyiqǝ ⱨǝmmisini uningƣa ijra ⱪilsun. 31 Buning bilǝn ǝr kixi gunaⱨsiz dǝp ⱨesablinidu wǝ ayal ɵzi ⱪilƣan yamanliⱪining jazasini tartidu›».