Bǝni Isra’ilning jama’ǝt qedirining qɵrisidǝ orunlaxturuxi
2
1 Pǝrwǝrdigar Musa wǝ Ⱨarunƣa sɵz ⱪilip mundaⱪ dedi: 2 «Bǝni Isra’ilning ⱨǝrbiri ɵz tuƣining astida, ata jǝmǝtining has tuƣlirining astida qedir tiksun. Ular uqrixix qediridin biraz yiraⱪraⱪ uning qɵrisidǝ qedir-bargaⱨ tiksun. ◼
3 Xǝrⱪ tǝrǝpkǝ ⱪarap kün qiⱪix tǝripidǝ Yǝⱨuda ⱪǝbilisi ɵz tuƣining astida, ⱪoxunining ⱪisimliri boyiqǝ qedir-bargaⱨ tiksun. Aminadabning oƣli Naⱨxon Yǝⱨuda ⱪǝbilisining baxliⱪidur. 4 Uning ⱪoxuni, yǝni sanaⱪtin ɵtküzülgǝnlǝr, jǝm’iy yǝtmix tɵt ming altǝ yüz kixidur.
5 Uning yenida Issakar ⱪǝbilisi qedir-bargaⱨ tiksun. Zo’arning oƣli Nǝtanǝl Issakarning ⱪǝbilisining baxliⱪidur. 6 Uning ⱪoxuni, yǝni sanaⱪtin ɵtküzülgǝnlǝr, jǝm’iy ǝllik tɵt ming tɵt yüz kixidur.
7 Zǝbulun ⱪǝbilisimu ularning yenida qedir-bargaⱨ tiksun. Helonning oƣli Eliyab Zǝbulun ⱪǝbilisining baxliⱪidur. 8 Uning ⱪoxuni, yǝni sanaⱪtin ɵtküzülgǝnlǝr, jǝm’iy ǝllik yǝttǝ ming tɵt yüz kixidur.
9 Yǝⱨudaning bargaⱨidiki ɵz ⱪoxun ⱪisimliri boyiqǝ sanaⱪtin ɵtküzülgǝnlǝr jǝm’iy bir yüz sǝksǝn altǝ ming tɵt yüz kixidur. Ular kɵqkinidǝ aldida mangsun.
10 jǝnub tǝrǝptǝ Rubǝn ⱪǝbilisi ɵz tuƣining astida, ⱪoxunining ⱪisimliri boyiqǝ qedir-bargaⱨ tiksun. Xede’urning oƣli Elizur Rubǝn ⱪǝbilisining baxliⱪidur. 11 Uning ⱪoxuni, yǝni sanaⱪtin ɵtküzülgǝnlǝr, jǝm’iy ⱪiriⱪ altǝ ming bǝx yüz kixidur.
12 Uning yenida Ximon ⱪǝbilisi qedir-bargaⱨ tiksun. Zurixadayning oƣli Xelumi’ǝl Ximon ⱪǝbilisining baxliⱪidur. 13 Uning ⱪoxuni, yǝni sanaⱪtin ɵtküzülgǝnlǝr, jǝm’iy ǝllik toⱪⱪuz ming üq yüz kixidur.
14 Gad ⱪǝbilisimu ularning yenida qedir-bargaⱨ tiksun. Reⱨu’ǝlning oƣli Əlyasaf Gad ⱪǝbilisining baxliⱪidur. 15 Uning ⱪoxuni, yǝni sanaⱪtin ɵtküzülgǝnlǝr, jǝm’iy ⱪiriⱪ bǝx ming altǝ yüz ǝllik kixidur.
16 Rubǝnning bargaⱨidiki ɵz ⱪoxun ⱪisimliri boyiqǝ sanaⱪtin ɵtküzülgǝnlǝr jǝm’iy bir yüz ǝllik bir ming tɵt yüz ǝllik kixidur. Ular kɵqkinidǝ ikkinqi ⱪatarda mangsun.
17 Lawiylar, aldinki ⱪoxunlar ⱪozƣalƣandin keyin, Uqrixix qedirini elip ⱪozƣilip ⱪoxunlarning otturisida mangsun. Qedir-bargaⱨ tikkǝn tǝrtip boyiqǝ, kɵqidiƣan waⱪtida ⱨǝr kixi ɵz jayida ɵz tuƣining astida mangsun.
18 Ƣǝrb tǝrǝptǝ Əfra’im ⱪǝbilisi ɵz tuƣining astida, ⱪoxunining ⱪisimliri boyiqǝ qedir-bargaⱨ tiksun. Ammiⱨudning oƣli Əlixama Əfra’im ⱪǝbilisining baxliⱪidur. 19 Uning ⱪoxuni, yǝni sanaⱪtin ɵtküzülgǝnlǝr, jǝm’iy ⱪiriⱪ ming bǝx yüz kixidur.
20 Uning yenida Manassǝ ⱪǝbilisi qedir-bargaⱨ tiksun. Pedaⱨsurning oƣli Gamli’ǝl Manassǝ ⱪǝbilisining baxliⱪidur. 21 Uning ⱪoxuni, yǝni sanaⱪtin ɵtküzülgǝnlǝr, jǝm’iy ottuz ikki ming ikki yüz kixidur.
22 Bǝnyamin ⱪǝbilisimu ularning yenida qedir-bargaⱨ tiksun. Gidonining oƣli Abidan Bǝnyamin ⱪǝbilisining baxliⱪidur. 23 Uning ⱪoxuni, yǝni sanaⱪtin ɵtküzülgǝnlǝr, jǝm’iy ottuz bǝx ming tɵt yüz kixidur.
24 Əfra’imning bargaⱨidiki ɵz ⱪoxun ⱪisimliri boyiqǝ sanaⱪtin ɵtküzülgǝnlǝr jǝm’iy bir yüz sǝkkiz ming bir yüz kixidur. Ular kɵqkinidǝ üqinqi ⱪatarda mangsun.
25 Ƣǝrb tǝrǝptǝ Dan ⱪǝbilisi ɵz tuƣining astida, ⱪoxunining ⱪisimliri boyiqǝ qedir-bargaⱨ tiksun. Amixadayning oƣli Ahi’ǝzǝr Dan ⱪǝbilisining baxliⱪidur. 26 Uning ⱪoxuni, yǝni sanaⱪtin ɵtküzülgǝnlǝr, jǝm’iy atmix ikki ming yǝttǝ yüz kixidur.
27 Uning yenida Axǝr ⱪǝbilisi qedir-bargaⱨ tiksun. Okranning oƣli Pagi’ǝl Axǝr ⱪǝbilisining baxliⱪidur. 28 Uning ⱪoxuni, yǝni sanaⱪtin ɵtküzülgǝnlǝr, jǝm’iy ⱪiriⱪ bir ming bǝx yüz kixidur.
29 Naftali ⱪǝbilisimu ularning yenida qedir-bargaⱨ tiksun. Enanning oƣli Ahira Naftali ⱪǝbilisining baxliⱪidur. 30 Uning ⱪoxuni, yǝni sanaⱪtin ɵtküzülgǝnlǝr, jǝm’iy ǝllik üq ming tɵt yüz kixidur.
31 Danning bargaⱨidiki sanaⱪtin ɵtküzülgǝnlǝr jǝm’iy bir yüz ǝllik yǝttǝ ming altǝ yüz kixidur. Ular kɵqkinidǝ ɵz tuƣining astida ⱨǝmmining kǝynidǝ mangsun».
32 Mǝzkurlar ata jǝmǝtliri boyiqǝ Bǝni Isra’ilning iqidin sanaⱪtin ɵtküzülüp sanalƣanlar idi. Bargaⱨlarda ɵz ⱪoxun ⱪisimliri boyiqǝ sanalƣanlar jǝm’iy altǝ yüz üq ming bǝx yüz ǝllik kixi idi.
33 Əmma Lawiylar Pǝrwǝrdigarning Musaƣa buyruƣinidǝk ⱪalƣan Bǝni Isra’il bilǝn billǝ sanaⱪtin ɵtküzülmidi.
34 Bǝni Isra’il Pǝrwǝrdigarning Musaƣa buyruƣinining ⱨǝmmisigǝ ǝmǝl ⱪilip, ɵz tuƣlirining astida qedir-bargaⱨ tikǝtti wǝ ⱨǝrbiri ɵz a’ilǝ-jǝmǝti boyiqǝ ⱪozƣilip mangatti.