1 Bǝni Isra’il Misir zeminidin qiⱪⱪandin keyin, ikkinqi yili ikkinqi ayning birinqi küni Pǝrwǝrdigar Sinay qɵlidǝ, uqrixix qedirida Musaƣa sɵz ⱪilip mundaⱪ dedi:

2 «Bǝni Isra’ilning barqǝ jama’itining sanini elip, ⱨǝmmǝ ǝr kixilǝr bir-birlǝp sanilip, ɵz a’ilǝ-jǝmǝtliri boyiqǝ isimliri bilǝn tizimlansun. 3 Sǝn Ⱨarun bilǝn birgǝ Isra’ilning yigirmǝ yaxtin exip, jǝnggǝ qiⱪalaydiƣan ⱨǝmmǝ ǝr kixilǝrni, ularning ⱪoxun ⱪisimliri boyiqǝ sanaⱪtin ɵtküzünglar. 4 Buni ⱪilƣininglarda ⱨǝr ⱪǝbilidin birdin kixi, yǝni ⱨǝrbiri ɵz ata jǝmǝtining baxliⱪi bolƣan kixi, silǝr bilǝn billǝ bolsun. 5 Silǝrgǝ yardǝm berip turidiƣan kixilǝrning isimliri munulardur:

Rubǝn ⱪǝbilisidin: Xede’urning oƣli Elizur,

6 Ximon ⱪǝbilisidin Zurixadayning oƣli Xelumi’ǝl,

7 Yǝⱨuda ⱪǝbilisidin Aminadabning oƣli Naⱨxon,

8 Issakar ⱪǝbilisidin Zo’arning oƣli Nǝtanǝl,

9 Zǝbulun ⱪǝbilisidin Helonning oƣli Eliyab,

10 Yüsüpning ǝwladliridin Əfra’im ⱪǝbilisidin Ammiⱨudning oƣli Əlixama, Manassǝ ⱪǝbilisidin Pedaⱨsurning oƣli Gamli’ǝl,

11 Bǝnyamin ⱪǝbilisidin Gidonining oƣli Abidan,

12 Dan ⱪǝbilisidin Amixadayning oƣli Ahi’ǝzǝr,

13 Axǝr ⱪǝbilisidin Okranning oƣli Pagi’ǝl,

14 Gad ⱪǝbilisidin Dǝyu’ǝlning oƣli Əlyasaf

15 wǝ Naftali ⱪǝbilisidin Enanning oƣli Ahira».

16 Ular ɵz ata jǝmǝtining baxliⱪliri bolup, Bǝni Isra’ilning mingliriƣa baxliⱪ bolƣan kixilǝr idi.

17 Musa wǝ Ⱨarun ismi atalƣan mǝzkur kixilǝrni ɵzliri bilǝn billǝ elip, 18 ikkinqi ayning birinqi küni pütün jama’ǝtni jǝm ⱪildi. Ular hǝlⱪning nǝsǝbnamilirini hǝtliwelip, yigirmǝ yaxtin axⱪanlarni bir-birlǝp sanap, a’ilǝ-jǝmǝtliri boyiqǝ isimliri bilǝn tizimlidi.

19 Pǝrwǝrdigarning Musaƣa buyruƣinidǝk u ularni Sinay qɵlidǝ sanaⱪtin ɵtküzdi.

20 Isra’ilning tunji oƣli Rubǝnning nǝslidin bolƣan hǝlⱪning iqidin yigirmǝ yaxtin axⱪan, jǝnggǝ yaraydiƣan ǝr kixilǝrning ⱨǝmmisi bir-birlǝp sanilip, ɵz a’ilǝ-jǝmǝtlirining nǝsǝbi boyiqǝ isimliri bilǝn tizimlandi. 21 Rubǝn ⱪǝbilisidin sanaⱪtin ɵtküzülgǝnlǝrning sani ⱪiriⱪ altǝ ming bǝx yüz kixi idi.

22 Ximonning nǝslidin bolƣan hǝlⱪning iqidin yigirmǝ yaxtin axⱪan, jǝnggǝ yaraydiƣan ǝr kixilǝrning ⱨǝmmisi bir-birlǝp sanilip, a’ilǝ-jǝmǝtlirining nǝsǝbi boyiqǝ isimliri bilǝn tizimlandi. 23 Ximon ⱪǝbilisidin sanaⱪtin ɵtküzülgǝnlǝrning sani ǝllik toⱪⱪuz ming üq yüz kixi idi.

24 Gadning nǝslidin bolƣan hǝlⱪning iqidin yigirmǝ yaxtin axⱪan, jǝnggǝ yaraydiƣan ǝr kixilǝrning ⱨǝmmisi ɵz a’ilǝ-jǝmǝtlirining nǝsǝbi boyiqǝ isimliri bilǝn tizimlandi. 25 Gad ⱪǝbilisidin sanaⱪtin ɵtküzülgǝnlǝrning sani ⱪiriⱪ bǝx ming altǝ yüz ǝllik kixi idi.

26 Yǝⱨudaning nǝslidin bolƣan hǝlⱪning iqidin yigirmǝ yaxtin axⱪan, jǝnggǝ yaraydiƣan ǝr kixilǝrning ⱨǝmmisi ɵz a’ilǝ-jǝmǝtlirining nǝsǝbi boyiqǝ isimliri bilǝn tizimlandi. 27 Yǝⱨuda ⱪǝbilisidin sanaⱪtin ɵtküzülgǝnlǝrning sani yǝtmix tɵt ming altǝ yüz kixi idi.

28 Issakarning nǝslidin bolƣan hǝlⱪning iqidin yigirmǝ yaxtin axⱪan, jǝnggǝ yaraydiƣan ǝr kixilǝrning ⱨǝmmisi ɵz a’ilǝ-jǝmǝtlirining nǝsǝbi boyiqǝ isimliri bilǝn tizimlandi. 29 Issakar ⱪǝbilisidin sanaⱪtin ɵtküzülgǝnlǝrning sani ǝllik tɵt ming tɵt yüz kixi idi.

30 Zǝbulunning nǝslidin bolƣan hǝlⱪning iqidin yigirmǝ yaxtin axⱪan, jǝnggǝ yaraydiƣan ǝr kixilǝrning ⱨǝmmisi ɵz a’ilǝ-jǝmǝtlirining nǝsǝbi boyiqǝ isimliri bilǝn tizimlandi. 31 Zǝbulun ⱪǝbilisidin sanaⱪtin ɵtküzülgǝnlǝrning sani ǝllik yǝttǝ ming tɵt yüz kixi idi.

32 Yüsüpning oƣullirining biri bolƣan Əfra’imning nǝslidin bolƣan hǝlⱪning iqidin yigirmǝ yaxtin axⱪan, jǝnggǝ yaraydiƣan ǝr kixilǝrning ⱨǝmmisi ɵz a’ilǝ-jǝmǝtlirining nǝsǝbi boyiqǝ isimliri bilǝn tizimlandi. 33 Əfra’im ⱪǝbilisidin sanaⱪtin ɵtküzülgǝnlǝrning sani ⱪiriⱪ ming bǝx yüz kixi idi. 34 Uning yǝnǝ bir oƣli Manassǝning nǝslidin bolƣan hǝlⱪning iqidin yigirmǝ yaxtin axⱪan, jǝnggǝ yaraydiƣan ǝr kixilǝrning ⱨǝmmisi ɵz a’ilǝ-jǝmǝtlirining nǝsǝbi boyiqǝ isimliri bilǝn tizimlandi. 35 Manassǝ ⱪǝbilisidin sanaⱪtin ɵtküzülgǝnlǝrning sani ottuz ikki ming ikki yüz kixi idi.

36 Bǝnyaminning nǝslidin bolƣan hǝlⱪning iqidin yigirmǝ yaxtin axⱪan, jǝnggǝ yaraydiƣan ǝr kixilǝrning ⱨǝmmisi ɵz a’ilǝ-jǝmǝtlirining nǝsǝbi boyiqǝ isimliri bilǝn tizimlandi. 37 Bǝnyamin ⱪǝbilisidin sanaⱪtin ɵtküzülgǝnlǝrning sani ottuz bǝx ming tɵt yüz kixi idi.

38 Danning nǝslidin bolƣan hǝlⱪning iqidin yigirmǝ yaxtin axⱪan, jǝnggǝ yaraydiƣan ǝr kixilǝrning ⱨǝmmisi ɵz a’ilǝ-jǝmǝtlirining nǝsǝbi boyiqǝ isimliri bilǝn tizimlandi. 39 Dan ⱪǝbilisidin sanaⱪtin ɵtküzülgǝnlǝrning sani atmix ikki ming yǝttǝ yüz kixi idi.

40 Axǝrning nǝslidin bolƣan hǝlⱪning iqidin yigirmǝ yaxtin axⱪan, jǝnggǝ yaraydiƣan ǝr kixilǝrning ⱨǝmmisi ɵz a’ilǝ-jǝmǝtlirining nǝsǝbi boyiqǝ isimliri bilǝn tizimlandi. 41 Axǝr ⱪǝbilisidin sanaⱪtin ɵtküzülgǝnlǝrning sani ⱪiriⱪ bir ming bǝx yüz kixi idi.

42 Naftalining nǝslidin bolƣan hǝlⱪning iqidin yigirmǝ yaxtin axⱪan, jǝnggǝ yaraydiƣan ǝr kixilǝrning ⱨǝmmisi ɵz a’ilǝ-jǝmǝtlirining nǝsǝbi boyiqǝ isimliri bilǝn tizimlandi. 43 Naftali ⱪǝbilisidin sanaⱪtin ɵtküzülgǝnlǝrning sani ǝllik üq ming tɵt yüz kixi idi.

44 Mǝzkur kixilǝr bolsa, Musa wǝ Ⱨarun, Bǝni Isra’ilning iqidin ɵz ata jǝmǝtigǝ baxliⱪ bolƣan on ikki sǝrdar bilǝn billǝ, sanaⱪtin ɵtküzüp saniƣan kixilǝr idi. 45 Bǝni Isra’ilning iqidin yigirmǝ yaxtin axⱪan, jǝnggǝ yaraydiƣan kixilǝrning ⱨǝmmisi ata jǝmǝtliri boyiqǝ tizimlandi. 46 Sanaⱪtin ɵtküzülgǝnlǝr jǝm’iy altǝ yüz üq ming bǝx yüz ǝllik kixi idi.

47 Lekin Lawiylar ata jǝmǝti boyiqǝ sanaⱪtin ɵtküzülmidi. 48 Qünki Pǝrwǝrdigar Musaƣa ilgiri sɵz ⱪilip mundaⱪ degǝnidi: 49 «Sǝn pǝⱪǝt Lawiy ⱪǝbilisinila sanaⱪtin ɵtküzmigin, ularning sanini ⱪalƣan Bǝni Isra’ilƣimu ⱪoxmiƣin, 50 bǝlki Lawiylarni xaⱨadǝt qediri wǝ uning barqǝ ǝswab-ǝxyalirini beⱪixⱪa tǝyinlǝp, uning ⱨǝmmǝ nǝrsilirigǝ mǝs’ul ⱪilip ⱪoyƣin. Ular ibadǝt qediri wǝ uning ǝswablirini kɵtürüp hizmǝt ⱪilsun wǝ ibadǝt qedirining qɵrisidǝ qedirlirini tiksun. ^◼   51 Ibadǝt qedirini elip mangidiƣan waⱪitta Lawiylar uni sɵküp yiƣsun wǝ ibadǝt qedirini tikidiƣan waⱪit kǝlsǝ, Lawiylar uni tiksun. Əgǝr bir yat kixi ibadǝt qediriƣa yeⱪin kǝlsǝ, ɵltürülsun. 52 Ⱪalƣan Bǝni Isra’il bolsa ɵz ⱪoxun ⱪisimliri boyiqǝ ⱨǝrbiri ɵz jayida ɵz tuƣining astida qedir-bargaⱨ tiksun. 53 Lekin Lawiylar, Bǝni Isra’il jama’itining Pǝrwǝrdigarning ⱪǝⱨr-ƣǝzipigǝ uqrimasliⱪi üqün, xaⱨadǝt qedirining qɵrisidǝ qedirlirini tiksun. Ular xaⱨadǝt qedirining ixliriƣa mǝs’ul bolsun».

54 Bǝni Isra’il ⱨǝr ixta Pǝrwǝrdigarning Musaƣa buyruƣinidǝk ⱪildi.