1 Əgǝr bir kixi guwaⱨ bolup, uningƣa ⱪǝsǝm buyrulƣinida, kɵrgǝn bilgǝnlirini dǝp bǝrmisǝ, u kixi bu ⱪilƣan yamanliⱪining jazasini tartidu.

2 Əgǝr bir kixi, mǝyli bir napak yawayi ⱨaywanning ɵlüki, mǝyli ɵy ⱨaywinining ɵlüki yaki ɵmiligüqi janiwarning ɵlüki bolsun, ⱨǝrⱪandaⱪ napak nǝrsigǝ tegip ⱪalsa, u bilmǝstin uningƣa tegip kǝtkǝn bolsimu u napak ⱨesablinip gunaⱨkar bolidu.

3 Xuningdǝk, ǝgǝr u bilmǝy bir kixining insanni napak ⱪilidiƣan ⱨǝrⱪandaⱪ nijasitigǝ tegip ⱪalsa, buni bilgǝn ⱨaman gunaⱨkar ⱨesablinidu.

4 Bihǝstǝlik bilǝn ⱨǝrⱪandaⱪ ix toƣrisida adǝmning ⱪǝsǝm ⱪilixi mumkin bolƣandǝk, bir kixi bilmǝy bihǝstǝlik bilǝn yaman yaki yahxi bir ix toƣrisida ⱪǝsǝm ⱪilƣandin keyin, buni qüxinip yǝtkǝn ⱨaman gunaⱨkar ⱨesablinidu.

5 U gunaⱨkar bolƣandin keyin, ‹palan gunaⱨ ⱪildim› dǝp iⱪrar ⱪilixi kerǝk. 6 U ɵzi ⱪilƣan gunaⱨining kǝfariti üqün Pǝrwǝrdigarning aldiƣa uxxaⱪ melidin bir qixi ⱪoza yaki oƣlaⱪni gunaⱨ ⱪurbanliⱪi üqün kǝltürsun. Andin keyin kaⱨin uni gunaⱨidin paklansun dǝp, uning üqün kǝfarǝt kǝltürsun.

7 Əmma ǝgǝr u mundaⱪ ⱨaywanni kǝltürǝlmisǝ, u ɵzi ⱪilƣan gunaⱨi üqün ikki pahtǝk yaki ikki kǝptǝr baqkisini elip kelip, birisini gunaⱨ ⱪurbanliⱪi üqün, yǝnǝ birini kɵydürmǝ ⱪurbanliⱪ üqün Pǝrwǝrdigarning aldiƣa kǝltürsun.

8 Bularni kaⱨinning yeniƣa kǝltürgǝndǝ kaⱨin gunaⱨ ⱪurbanliⱪiƣa ayrilƣanni awwal ⱪurbanliⱪ ⱪilip, boynini üzüwǝtmǝy, bexiƣa yeⱪin jayidin tolƣisun. 9 Andin u gunaⱨ ⱪurbanliⱪi bolƣan janiwarning ⱪenidin azƣinǝ elip, ⱪurbangaⱨning temiƣa sǝpsun. Ⱪalƣan ⱪeni ⱪurbangaⱨning tüwigǝ siⱪip sepilsun. Bu gunaⱨ ⱪurbanliⱪi bolidu. 10 Əmma ikkinqi kǝptǝrni buyrulƣan tǝriⱪidǝ kɵydürmǝ ⱪurbanliⱪ süpitidǝ sunsun. Bu tǝriⱪidǝ kaⱨin uning ⱪilƣan gunaⱨi üqün kǝfarǝt kǝltürsǝ, u gunaⱨ uningdin kǝqürülidu. 11 Əmma ǝgǝr u ikki pahtǝk yaki ikki kǝptǝr baqkisini kǝltürǝlmisǝ, ɵzi ⱪilƣan gunaⱨining ⱪurbanliⱪi üqün esil undin bir efaning ondin birini elip, gunaⱨ ⱪurbanliⱪi süpitidǝ sunsun. Bu gunaⱨ ⱪurbanliⱪi bolƣaq, u uning üstigǝ yaƣ tɵkmǝy, tɵpisigǝ mǝstikimu salmay, ^◼   12 kaⱨinning yeniƣa kǝltürsun. Kaⱨin buningdin bir qanggal eliwelip, yadlinix ⱨǝssisi bolsun dǝp, buni Pǝrwǝrdigarƣa atalƣan otta kɵydürülidiƣan baxⱪa ⱨǝdiyǝ-ⱪurbanliⱪlarning üstigǝ ⱪoyup kɵydürsun. Bu gunaⱨ ⱪurbanliⱪi bolidu. 13 Bu tǝriⱪidǝ kaⱨin mǝzkur gunaⱨlardin birini ⱪilƣan kixi üqün kǝfarǝt kǝltüridu wǝ u gunaⱨ uningdin kǝqürülidu. Axliⱪ ⱨǝdiyǝsi bilǝn ⱪilinƣandǝk, ⱪalƣan ülüxi kaⱨinƣa tegidu›».

14 Pǝrwǝrdigar Musaƣa sɵz ⱪilip mundaⱪ dedi:

15 «Əgǝr bir kixi bilmǝstin Pǝrwǝrdigarƣa atalƣan muⱪǝddǝs nǝrsilirigǝ nisbǝtǝn gunaⱨ ɵtküzsǝ, u ɵz gunaⱨi üqün Pǝrwǝrdigarning aldiƣa uxxaⱪ maldin ǝyibsiz bir ⱪoqⱪarni kǝltürsun. Sǝn ɵzüng bu ⱪoqkarning baⱨasini, muⱪǝddǝs jayning xekǝlining ɵlqimi boyiqǝ kümüx xekǝlgǝ ⱨesablap bekitkin. 16 U mǝⱪǝddǝs nǝrsilǝrgǝ nisbǝtǝn kǝltürgǝn ziyanni, uningƣa bǝxtin birini ⱪoxup, kaⱨinƣa tɵlǝp bǝrsun. Bu tǝriⱪidǝ kaⱨin ǝyib ⱪurbanliⱪi bolƣan ⱪoqⱪarning wasitisi bilǝn uning üqün kǝfarǝt kǝltürsǝ, bu gunaⱨ uningdin kǝqürülidu. 17 Əgǝr bir kixi bilmǝstin Pǝrwǝrdigarning ǝmrliridǝ mǝn’i ⱪilinƣan bir ix ⱪilsa, gunaⱨkar bolup, ⱪilƣan yamanliⱪining jazasini tartidu, 18 U uxxaⱪ maldin sǝn baⱨasini bekitⱪan ǝyibsiz bir ⱪoqⱪarni ǝyib ⱪurbanliⱪi üqün kǝltürsun. Bu tǝriⱪidǝ kaⱨin uning bilmǝy ⱪilƣan gunaⱨi üqün kǝfarǝt kǝltürsǝ, u gunaⱨ uningdin kǝqürülidu. 19 Bu ǝyib ⱪurbanliⱪi bolidu. Qünki xübⱨisizki, u kixi Pǝrwǝrdigarning aldida gunaⱨkar boldi».

20 Pǝrwǝrdigar Musaƣa sɵz ⱪilip mundaⱪ dedi:

21 «Əgǝr bir kixi gunaⱨ ⱪilip Pǝrwǝrdigarƣa wapasizliⱪ ⱪilip, ⱪoxnisi uningƣa amanǝt yaki kapalǝtkǝ bǝrgǝn nǝrsǝ yaki oƣriliƣan nǝrsǝ toƣrisida yalƣan gap ⱪilsa, yaki ɵz ⱪoxnisidin naⱨǝⱪ tǝriⱪidǝ bir nǝrsini tartiwalƣan bolsa, 22 yaki yitip kǝtkǝn bir nǝrsini tepip, xuningdin tansa, yaki adǝmlǝr ⱪilixi mumkin ⱨǝrⱪandaⱪ bir ix toƣrisida yalƣan ⱪǝsǝm iqip gunaⱨ ɵtküzsǝ,

23 hata ⱪilip gunaⱨkar bolƣan kixi, mǝyli oƣriliƣan nǝrsǝ bolsun, yaki ɵzigǝ amanǝt berilgǝn nǝrsǝ bolsun, yaki yitip ketip keyin tepiwalƣan nǝrsǝ bolsun, 24 yaki toƣrisida yalƣan ⱪǝsǝm iqkǝn ⱨǝrⱪandaⱪ nǝrsǝ bolsun, ⱨǝmmisini ⱪayturup bǝrsun wǝ ɵz baⱨasiƣa yǝnǝ bǝxtin birini ⱪoxsun. U ǝyib ⱪurbanliⱪini kǝltüridiƣan kündǝ buning ⱨǝmmisini igisigǝ tapxurup bǝrsun.

25 Andin u Pǝrwǝrdigarning aldiƣa ǝyib ⱪurbanliⱪini kǝltürsun. U uxxaⱪ maldin sǝn bekitkǝn baⱨadiki ǝyibsiz bir ⱪoqⱪarni ǝyib ⱪurbanliⱪi üqün kaⱨinning yeniƣa elip kǝlsun. 26 Bu tǝriⱪidǝ kaⱨin uning üqün Pǝrwǝrdigarning aldida kǝfarǝt kǝltürsǝ, ⱪaysi ixni ⱪilip gunaⱨkar bolƣan bolsimu, xu gunaⱨ uningdin kǝqürülidu».