1 Əgǝr bir kixi Pǝrwǝrdigarning aldiƣa axliⱪ ⱨǝdiyǝsi kǝltürüxni halisa, ɵz ⱨǝdiyǝsi üqün esil un kǝltürüp, uningƣa yaƣ ⱪuysun wǝ üstigǝ mǝstiki salsun. ^◼   2 U buni Ⱨarunning oƣulliri, yǝni kaⱨinlarning aldiƣa elip kǝlsun. Andin keyin kaⱨin bu esil un bilǝn yaƣdin bir qanggal elip, ⱨǝmmǝ mǝstiki bilǝn ⱪoxup, bu yadlinix ⱨǝssisini ⱪurbangaⱨta kɵydürsun. Bu otta kɵydürülidiƣan ⱪurbanliⱪ Pǝrwǝrdigarning aldiƣa hux puraⱪ kǝltüridiƣan ⱪurbanliⱪ bolidu. ^◼   3 Bu axliⱪ ⱨǝdiyǝsidin exip ⱪalƣini Ⱨarun wǝ uning oƣulliriƣa tǝgsun. Bu Pǝrwǝrdigarƣa atalƣan otta kɵydürülidiƣan ⱨǝdiyǝ-ⱪurbanliⱪlardin elinƣan ⱪisim ǝng muⱪǝddǝstur.

4 Əgǝr sǝn tonurda pixurulƣanlardin axliⱪ ⱨǝdiyǝsi kǝltürüxni halisang, bu yaƣ arilaxturulƣan esil undin ⱪilinƣan toⱪaq yaki yaƣlanƣan petir ⱨǝmǝk nan bolsun.

5 Əgǝr sening kǝltüridiƣan ⱨǝdiyǝng tawida ⱪurulƣan axliⱪ ⱨǝdiyǝsi bolsa yaƣ arilaxturulƣan hemirturuq selinmiƣan esil undin ⱪilinƣan bolsun. 6 Sǝn bolsang uni parqilap, üstigǝ yaƣ ⱪuyƣin. Bu axliⱪ ⱨǝdiyǝsi bolidu.

7 Əgǝr sening kǝltüridiƣan ⱨǝdiyǝng ⱪazanda pixurulƣan axliⱪ ⱨǝdiyǝsi bolsa u esil un bilǝn yaƣdin etilsun. 8 Mǝzkur tǝriⱪilǝrdǝ tǝyyarlanƣan axliⱪ ⱨǝdiyǝsini Pǝrwǝrdigarning aldiƣa kǝltürüp, kaⱨinƣa bǝrgin. U uni ⱪurbangaⱨⱪa kǝltürsun. 9 Kaⱨin axliⱪ ⱨǝdiyǝsidin yadlinix ⱨǝssisini elip, ⱪurbangaⱨning üstidǝ kɵydürsun. Bu otta kɵydürülidiƣan, Pǝrwǝrdigarning aldiƣa hux puraⱪ kǝltüridiƣan ⱨǝdiyǝ bolidu. 10 Lekin axliⱪ ⱨǝdiyǝsidin exip ⱪalƣan nǝrsǝ Ⱨarun wǝ uning oƣulliriƣa tǝgsun. Bu Pǝrwǝrdigarƣa atalƣan otta kɵydürülidiƣan ⱨǝdiyǝ-ⱪurbanliⱪlardin elinƣan ⱪisim ǝng muⱪǝddǝstur.

11 Silǝr Pǝrwǝrdigarning aldiƣa kǝltüridiƣan axliⱪ ⱨǝdiyǝlirining ⱨeqbiri hemirturuq bilǝn tǝyyarlanmisun. Qünki hemirturuq yaki ⱨǝsǝl ⱪoxulƣan bir nǝrsini Pǝrwǝrdigarƣa atalƣan otta kɵydürülidiƣan ⱨǝdiyǝ süpitidǝ kɵydürüxkǝ bolmaydu.

12 Bularni Pǝrwǝrdigarning aldiƣa dǝslǝpki ⱨosul ⱨǝdiyǝsi ⱪilip kǝltürsǝnglar bolidu, lekin hux puraⱪ kǝltürüx üqün ⱪurbangaⱨning üstidǝ kɵydürülmisun.

13 Sening ⱨǝmmǝ axliⱪ ⱨǝdiyǝliring tuz bilǝn tuzlansun. Axliⱪ ⱨǝdiyǝngni Hudayingning ǝⱨdǝ tuzidin mǝⱨrum ⱪoymay, ⱨǝmmǝ ⱨǝdiyǝliringni tuz bilǝn tuzliƣin.

14 Əgǝr sǝn Pǝrwǝrdigarning aldiƣa dǝslǝpki ⱨosuldin ⱨǝdiyǝ kǝltürüxni halisang, zira’ǝtning kɵk bexini elip, danlirini otta ⱪorup, ezip, ularni dǝslǝpki ⱨosul ⱨǝdiyǝsi üqün kǝltürgin 15 wǝ üstigǝ yaƣ ⱪuyup, tɵpisigǝ mǝstiki salƣin. Bu axliⱪ ⱨǝdiyǝsi bolidu. 16 Kaⱨin bolsa ⱪorulƣan danlar wǝ yaƣdin yadlinix ⱨǝssisini elip, ⱨǝmmǝ mǝstiki bilǝn ⱪoxup kɵydürsun. Bu Pǝrwǝrdigarƣa atalƣan otta kɵydürülidiƣan ⱨǝdiyǝ bolidu.