1 Andin Bezalǝl, ǝⱨdǝ sanduⱪini akatsiyǝ yaƣiqidin yasidi. Uning uzunluⱪi ikki yerim gǝz, kǝngliki bir yerim gǝz wǝ egizliki bir yerim gǝz idi. 2 U uning iqi-sirtini sap altun bilǝn ⱪaplap, qɵrisigǝ altundin girwǝk yasidi. 3 U altundin tɵt ⱨalⱪa ⱪuyup, uning tɵt putiƣa ornatti. U ikki ⱨalⱪini bir tǝripigǝ, ⱪalƣan ikki ⱨalⱪini yǝnǝ bir tǝripigǝ ornatti. 4 U akatsiyǝ yaƣiqidin ikki hada yasap, ikkilisini altun bilǝn ⱪaplidi. 5 Sanduⱪni kɵtürüx üqün bu hadilarni sanduⱪning ikki yenidiki ⱨalⱪilarƣa ɵtküzüp ⱪoydi. 6 U sap altundin sanduⱪning üstigǝ mǝrⱨǝmǝt tǝhtini yasidi. Uning uzunluⱪi ikki yerim gǝz, kǝngliki bir yerim gǝz idi. 7 U mǝrⱨǝmǝt tǝhtining ikki bexiƣa altundin ikki kerub ⱨǝykilini soⱪup yasidi. 8 U bir kerubni bir bexiƣa, yǝnǝ bir kerubni yǝnǝ bir bexiƣa yasap ornatti. U bu ikki tǝrǝptiki kerublar mǝrⱨǝmǝt tǝhti bilǝn bir pütün ⱪilip yasidi. 9 Kerublar ⱪanatlirini yeyip kɵtürüp, ⱪanatliri bilǝn mǝrⱨǝmǝt tǝhtini yepip turdi. Ular bir-birigǝ yüzlinip, yüzliri mǝrⱨǝmǝt tǝhtigǝ ⱪaritildi.

10 U xirǝni akatsiyǝ yaƣiqidin yasidi. Uning uzunluⱪi ikki gǝz, kǝngliki bir gǝz, egizliki bir yerim gǝz idi. 11 U uni sap altun bilǝn ⱪaplap, uning qɵrisigǝ altundin bir girwǝk yasidi. 12 Buningdin baxⱪa, u xirǝning qɵrisigǝ tɵt barmaⱪ kǝngliktǝ bir pǝwaz yasap, u pǝwazning qɵrisigǝ altundin bir girwǝk yasap ⱪoydi. 13 U xirǝ üqün altundin tɵt ⱨalⱪa yasap, bu ⱨalⱪilarni xirǝning tɵt burjikidiki putliriƣa ornatti. 14 Xirǝni kɵtürüxkǝ hadilarning ⱨalⱪilardin ɵtküzülüxi üqün, ⱨalⱪilar pǝwazƣa yeⱪin ornitildi. 15 U xirǝni kɵtürüxkǝ ixlitilidiƣan hadilarni akatsiyǝ yaƣiqidin yasap, ularni altun bilǝn ⱪaplidi. 16 Buningdin baxⱪa, u xirǝ üstigǝ ⱪoyulidiƣan buyumlarni, yǝni tawaⱪlar, piyalilǝr, iqimlik ⱨǝdiyǝsi ⱪuyidiƣan ⱪǝdǝⱨlǝr wǝ qɵgünlǝrni sap altundin yasidi.

17 U ⱨǝm sap altundin qiraƣdan yasidi. U bu qiraƣdanni soⱪup yasidi. Uning puti, ƣoli, ⱪǝdǝⱨliri, gül ƣunqisi wǝ gülliri ⱨǝmmisi bir pütün ⱪilinip yasaldi. 18 Qiraƣdanning ikki yenidin altǝ xah qiⱪirildi. Bir yenidin üq xah, yǝnǝ bir yenidin üq xah qiⱪirildi. 19 Bir xahta badam qeqiki xǝklidǝ üq ⱪǝdǝⱨ bar idi. Ⱨǝr ⱪǝdǝⱨtǝ bir gül ƣunqisi wǝ bir gül xǝkli bar bolup, yǝnǝ bir xehidimu badam qeqiki xǝklidǝ üq ⱪǝdǝⱨ bar idi wǝ ⱨǝrbiridǝ bir gül ƣunqisi wǝ bir gül xǝkli bar idi. Qiraƣdandin qiⱪirilƣan altǝ xahning ⱨǝmmisi xundaⱪ yasaldi. 20 Qiraƣdanning ƣolida badam qeqiki xǝklidǝ gül ƣunqisi wǝ güli bar tɵt ⱪǝdǝⱨ yasaldi. 21 Bir ƣunqǝ qiraƣdanning ƣolidin qiⱪⱪan birinqi jüp xahning astida, yǝnǝ bir ƣunqǝ ikkinqi jüp xahning astida, üqinqi ƣunqǝ üqinqi jüp xahning astiƣa yasaldi. Qiraƣdanning ƣolidin qiⱪirilƣan altǝ xahning astining ⱨǝmmisi xundaⱪ yasaldi. 22 Ƣunqiliri wǝ xahliri, qiraƣdan bilǝn bir pütün ⱪilinip, bir pütün sap altundin soⱪup yasaldi. 23 Buningdin baxⱪa, u qiraƣdanning yǝttǝ qiriƣi, uning pilik ⱪisⱪuqliri wǝ küldanlirini sap altundin yasidi. 24 U qiraƣdan wǝ uning ⱨǝmmǝ ǝswablirini bir talant sap altundin yasidi. ^◼  

25 U yǝnǝ akatsiyǝ yaƣiqidin huxbuygaⱨni yasidi. U tɵt qasa idi. Uning uzunluⱪi bir gǝz, kǝngliki bir gǝz, egizliki ikki gǝz ⱪilindi. Münggüzliri uning bilǝn bir pütün idi. 26 U uni, yǝni uning üsti, tɵt ǝtrapi wǝ münggüzlirini sap altun bilǝn ⱪaplap, qɵrisigǝ altun girwǝk yasidi. 27 Huxbuygaⱨni kɵtüridiƣan hadilarni ɵtküzüx üqün altundin ikki ⱨalⱪini yasap, ularni huxbuygaⱨning ikki yeniƣa girwǝkning astiƣa bekitti. 28 U kɵtürüx hadilirini akatsiyǝ yaƣiqidin yasap, altun bilǝn ⱪaplidi.

29 U ǝttirqining usuli boyiqǝ muⱪǝddǝs mǝsiⱨlǝx yeƣi wǝ sap huxbuy isriⱪni tǝyyarlidi.