1 Huda dǝslǝptǝ asman bilǝn yǝrni yaratti.

2 U qaƣda yǝr xǝkilsiz wǝ box ⱨalǝttǝ idi wǝ ⱪarangƣuluⱪ qongⱪur sularning yüzini ⱪapliƣanidi. Hudaning Roⱨi sular üstidǝ pǝrwaz ⱪilatti.

3 Huda sɵz ⱪilip: «Yoruⱪluⱪ bolsun» dedi, wǝ yoruⱪluⱪ pǝyda boldi. 4 Huda yoruⱪluⱪning yahxi ikǝnlikini kɵrüp, yoruⱪluⱪni ⱪarangƣuluⱪtin ayridi. 5 Huda yoruⱪluⱪni «kündüz» dǝp atap, ⱪarangƣuluⱪni «keqǝ» dǝp atidi. Ahxam ɵtti, sǝⱨǝr ɵtti, bu birinqi kün boldi.

6 Huda: «Sularning otturisida bir asman gümbizi bolsun wǝ u sularni bir-biridin ayrisun» dedi. ^◼   7 Huda asman gümbizini yaritip, uning astidiki sularni uning üstidiki sulardin ayridi. Ix ǝnǝ xundaⱪ boldi. 8 Huda asman gümbizini «asman» dǝp atidi. Ahxam ɵtti, sǝⱨǝr ɵtti, bu ikkinqi kün boldi.

9 Andin Huda: «Asmanning astidiki sular bir yǝrgǝ yiƣilsun, ⱪuruⱪ tupraⱪ kɵrünsun» dedi, wǝ xundaⱪ boldi. 10 Huda ⱪuruⱪluⱪni «yǝr» dǝp atap, yiƣilƣan sularni bolsa «dengiz» dǝp atidi. Huda bularning yahxi ikǝnlikini kɵrdi.

11 Huda yǝnǝ: «Yǝr otlarni, uruⱪluⱪ otyaxlarni wǝ türi boyiqǝ uruⱪi mewisidǝ bolƣan mewilik dǝrǝhlǝrni ündürsun» dedi, wǝ xundaⱪ boldi. 12 Xuning bilǝn yǝr otlarni, ɵz türi boyiqǝ uruⱪ qiⱪidiƣan otyaxlarni wǝ ɵz türi boyiqǝ uruⱪi mewisi iqidǝ bolƣan mewilik dǝrǝhlǝrni ündürdi. Huda bularning yahxi ikǝnlikini kɵrdi. 13 Ahxam ɵtti, sǝⱨǝr ɵtti, bu üqinqi kün boldi. 14 Huda yǝnǝ: «Asman gümbizidǝ yoruⱪluⱪ beridiƣan jisimlar bolsun. Ular kündüzni keqidin ayrip, mǝwsum, kün wǝ yillarni pǝrⱪ etidiƣan bǝlgilǝr bolsun. 15 Ular asman gümbizidǝ turup, yǝr yüzini yorutup tursun» dedi, wǝ xundaⱪ boldi. 16 Huda ikki qong yoruⱪluⱪ beridiƣan jisimni yaratti. U qongraⱪini kündüzni baxⱪuridiƣan, kiqikrǝkini keqini baxⱪuridiƣan ⱪildi, ⱨǝmdǝ baxⱪa yultuzlarnimu yaratti. 17 Huda bularni yǝrgǝ yoruⱪluⱪ berix, 18 kündüz bilǝn keqini baxⱪurux wǝ yoruⱪluⱪni ⱪarangƣuluⱪtin ayrix üqün asman gümbizigǝ orunlaxturdi. Huda bularning yahxi ikǝnlikini kɵrdi. 19 Ahxam ɵtti, sǝⱨǝr ɵtti, bu tɵtinqi kün boldi.

20 Huda yǝnǝ: «Sular miƣ-miƣ janiwarlar bilǝn tolsun wǝ yǝrning üstidiki asmanda uqar ⱪanatlar uqsun» dedi. 21 Buning bilǝn Huda qong-qong su mǝhluⱪlirini, suda midirlap yüridiƣan türlük janiwarlarni ɵz türliri boyiqǝ wǝ ⱨǝr hil ⱪanatliⱪ uqar ⱪanatlarnimu ɵz türliri boyiqǝ yaratti. Huda bularning yahxi ikǝnlikini kɵrdi. 22 Andin keyin Huda ularƣa bǝrikǝt ata ⱪilip: «Silǝr nǝsil ⱪaldurup kɵpiyip, dengizlarning sulirini toldurunglar, uqar ⱪanatlarmu yǝr yüzidǝ kɵpǝysun» dedi. 23 Ahxam ɵtti, sǝⱨǝr ɵtti, bu bǝxinqi kün boldi.

24 Huda yǝnǝ sɵz ⱪilip: «Yǝr janiwarlarni ɵz türliri boyiqǝ qiⱪarsun. Qarwa mal, ɵmiligüqi janiwarlar wǝ yawayi ⱨaywanlar ɵz türliri boyiqǝ pǝyda bolsun» dedi, wǝ xundaⱪ boldi. 25 Xuning bilǝn Huda yǝrning yawayi ⱨaywanlirini ɵz türliri boyiqǝ, qarwa mallirini ɵz türliri boyiqǝ wǝ yǝrdǝ ɵmiligüqi janiwarlarnimu ɵz türliri boyiqǝ yaratti. Huda bularning yahxi ikǝnlikini kɵrdi.

26 Huda yǝnǝ: «Ɵz obrazimizda Ɵzimizgǝ ohxaydiƣan ⱪilip adǝmni yaritayli! Ular dǝryadiki beliⱪlar, ⱨawadiki uqar ⱪanatlar, qarwa mallar, xundaⱪla pütün yǝr yüzi wǝ uningdiki ⱨǝmmǝ ɵmiligüqi janiwarlarni baxⱪursun» dedi. ^◼   27 Xuning bilǝn, Huda adǝmni Ɵz obrazida yaratti. Uni Hudaning obrazida yaritip, ularni ǝr wǝ ayal ⱪilip yaratti. ^◼   28 Huda ularƣa bǝrikǝt ata ⱪilip: «Silǝr nǝsil ⱪaldurup kɵpiyip, yǝrni toldurup uni boysundurunglar. Dengizdiki beliⱪlar, ⱨawadiki uqar ⱪanatlar wǝ yǝrdǝ midirlaydiƣan ⱨǝmmǝ janiwarlarni baxⱪurunglar» dedi. 29 Andin Huda yǝnǝ: «Mana, Mǝn pütün yǝr yüzidiki uruⱪluⱪ ɵsümlüklǝr wǝ uruⱪi mewisidǝ bolƣan mewilik dǝrǝhlǝrning ⱨǝmmisini ozuⱪ bolsun dǝp, silǝrgǝ berimǝn. 30 Yǝr yüzidiki ⱨǝmmǝ ⱨaywanlar, ⱨawadiki ⱨǝmmǝ uqar ⱪanatlar wǝ yǝr yüzidiki ⱨǝmmǝ ɵmiligüqi janiwarlarƣa ƣiza bolsun dǝp, barqǝ ot-giyaⱨlarni ularƣa ata ⱪilimǝn» dedi, wǝ xundaⱪ boldi. 31 Huda yaratⱪanlirining ⱨǝmmisigǝ sǝpselip ⱪaridi, wǝ mana, bularning ⱨǝmmisining naⱨayiti yahxi ikǝnlikini kɵrdi. Ahxam ɵtti, sǝⱨǝr ɵtti, bu altinqi kün boldi.