1 Xu qaƣda Musa wǝ Bǝni Isra’il Pǝrwǝrdigarni küylǝp mundaⱪ nahxa oⱪudi:

«Pǝrwǝrdigarni küylǝp nahxa eytimǝn,

qünki U uluƣ ƣǝlibǝ ⱪazandi.

U at wǝ uning mingüqisini dengizƣa taxliwǝtti. 2 Pǝrwǝrdigar mening küqüm wǝ nahxamdur,

U mening nijatkarim boldi.

Uni mening Hudayim dǝp mǝdⱨiyilǝymǝn.

U atamning Hudasidur dǝp, uni uluƣlaymǝn. 3 Pǝrwǝrdigar jǝngqidur,

‹Yaⱨwǝⱨ› uning namidur. ^◼   4 U Fir’ǝwnning jǝng ⱨarwilirini wǝ ⱪoxunlirini dengizƣa taxliwǝtti.

Uning hillanƣan sǝrdarliri Ⱪizil dengizda ƣǝrⱪ ⱪilindi. 5 Qongⱪur sular ularni ⱪaplidi,

ular huddi taxtǝk dengizning tegigǝ qɵküp kǝtti. 6 Əy Pǝrwǝrdigar, Sening ong ⱪolung ɵz ⱪudriti bilǝn xan-xǝrǝp tapti.

Əy Pǝrwǝrdigar, sening ong ⱪolung düxmǝnni ezip tarmar ⱪildi. 7 Uluƣ ⱨǝywiting bilǝn ɵzünggǝ ⱪarxi qiⱪⱪanlarni nabut ⱪilding.

Ƣǝzǝp otungni ǝwǝtip, ularni samandǝk kɵydürdüng. 8 Dimiƣingning nǝpisi bilǝn sular ɵrlǝp,

dolⱪunlar dɵnglüktǝk tiklǝndi,

dengizning tegidiki qongⱪur sular ⱪetip ⱪaldi. 9 Düxmǝn dediki: ‹Mǝn ularni ⱪoƣlap tutup, olja elip bɵlüxtürimǝn.

Ulardin aqqiⱪimni qiⱪiray.

Ⱪiliqimni suƣurup, ɵz ⱪolum bilǝn ularni yoⱪitay›. 10 Lekin Sening püwlixing bilǝn dengiz ularni ⱪaplidi.

Ular qongⱪur sularƣa ⱪoƣuxundǝk qɵküp kǝtti. 11 Əy Pǝrwǝrdigar, ilaⱨlar arisida Sening tǝngdixing barmu?

Pak-muⱪǝddǝsliktǝ xanu-xǝwkǝtlik ,

ⱨǝywiti bilǝn ⱪorⱪutidiƣan, mɵjizilǝr yaritidiƣan,

Ɵzünggǝ tǝng kelidiƣan biri barmu? 12 Sǝn ong ⱪolungni uzitixing bilǝn

yǝr ularni yutup kǝtti. 13 Lekin Ɵzüng ⱪutuldurƣan hǝlⱪni meⱨir-xǝpⱪiting bilǝn yetǝkliding.

Ularni ⱪudriting bilǝn muⱪǝddǝs makaningƣa baxliding. 14 Hǝlⱪlǝr buni anglap titrixip ketǝr,

Filistiyǝning aⱨalisi dǝⱨxǝtkǝ qüxǝr. 15 Edomning ǝmirliri ⱪorⱪup ketǝr,

Mo’abning palwanlirini titrǝk basar.

Kǝn’anda yaxawatⱪanlarning yüriki su bolup ketǝr. 16 Wǝⱨimǝ wǝ dǝⱨxǝt ularni basar.

Əy Pǝrwǝrdigar, Sening hǝlⱪing qiⱪip kǝtküqǝ,

Sǝn ⱪutⱪuzƣan hǝlⱪ ɵtüp bolƣuqǝ,

ular Sening bilikingning ⱨǝywiti aldida taxtǝk ⱪetip ⱪalar. 17 Sǝn hǝlⱪingni elip berip,

Ɵz mirasing bolƣan taƣda kɵqǝttǝk tikisǝn.

Əy Pǝrwǝrdigar, Ɵz makaning boluxⱪa ⱨazirliƣan muⱪǝddǝs jayƣa

Sǝn, ǝy Rǝbbim, ularni elip barisǝn. 18 Pǝrwǝrdigar ǝbǝdil’ǝbǝd ⱨɵkümranliⱪ ⱪilidu».

19 Qünki Fir’ǝwnning jǝng ⱨarwiliri wǝ atliⱪliri dengizƣa kirip bolƣanda, Pǝrwǝrdigar dengizning süyini ularning üstigǝ yandurdi. Lekin Bǝni Isra’il dengizning otturisidiki ⱪuruⱪ yǝrdin mengip qiⱪip kǝtti.

20 Bu qaƣda Ⱨarunning ⱨǝdisi ayal pǝyƣǝmbǝr Mǝryǝm, ⱪoliƣa bir dapni alƣanda, ⱨǝmmǝ ayallar ⱪoliƣa dap elip, ussul oynixip uningƣa ǝgǝxti. 21 Mǝryǝm ularƣa jawabǝn mundaⱪ nahxa eytip bǝrdi:

«Pǝrwǝrdigarni küylǝp nahxa eytinglar,

qünki U uluƣ ƣǝlibǝ ⱪazandi.

U at wǝ uning mingüqisini dengizƣa ƣǝrⱪ ⱪiliwǝtti».

22 Andin keyin Musa Bǝni Isra’ilni Ⱪizil dengizdin elip qiⱪip, Xur qɵligǝ baxlap bardi. Üq kün ular qɵldǝ yürüp, su tapalmidi. 23 Andin ular Maraƣa yetip kǝldi, lekin süyi aqqiⱪ bolƣini üqün ular Maraning süyini iqǝlmidi. Xunga u jayning ismi Mara dǝp ataldi. ^◼   24 Hǝlⱪ: «Nemǝ iqimiz ?» dǝp Musadin aƣrinip ƣotuldaxti. 25 Lekin u Pǝrwǝrdigarƣa pǝryad ⱪilƣinida, Pǝrwǝrdigar uningƣa bir xahni kɵrsǝtti. U uni elip suƣa taxliƣinida su tatliⱪ suƣa aylandi. U yǝrdǝ Pǝrwǝrdigar ularƣa ⱪanun-bǝlgilimilǝr bekitti wǝ ularni sinidi. 26 Pǝrwǝrdigar: «Əgǝr silǝr Pǝrwǝrdigar Hudayinglarning sɵzigǝ ǝstayidil ⱪulaⱪ selip, Uning nǝziridiki toƣra ixlarni ⱪilip, Uning ⱨɵkümlirini anglap pǝrzlirigǝ ǝmǝl ⱪilsanglar, Mǝn Misirliⱪlarƣa kǝltürgǝn kesǝlliklǝrdin ⱨeqbirini üstünglarƣa kǝltürmǝymǝn, qünki Mǝn Pǝrwǝrdigar silǝrning tewipinglardurmǝn» dedi. 27 Andin keyin ular Elimƣa yetip kǝldi. U yǝrdǝ on ikki bulaⱪ wǝ yǝtmix horma dǝrihi bar idi. Ular u yǝrdǝ suning boyida qedir-bargaⱨ tikti.