Bo’az Na’omining yerini elip, Rutni hotunluⱪⱪa alidu
4
1 Bo’az bolsa dǝrwaziƣa berip, u yǝrdǝ olturdi. Bu qaƣda Bo’az eytⱪan ⱪutulduralaydiƣan yeⱪin tuƣⱪan bolƣan kixi u yǝrdin ɵtüp ⱪaldi. Bo’az: «Əy dostum, kelip bu yǝrdǝ olturƣin» dedi. U kelip olturdi. 2 Andin Bo’az xǝⱨǝrning aⱪsaⱪalliridin on adǝmni qaⱪirip: «Bu yǝrdǝ olturunglar» dedi. Ular olturƣanda, 3 u yeⱪin tuƣⱪan bolƣan kixigǝ: «Mo’abning zeminidin ⱪaytip kǝlgǝn Na’omi ⱪerindiximiz, Elimelǝkkǝ tǝwǝ bolƣan bir parqǝ yǝrni satmaⱪqi boluwatidu. 4 Xuning üqün sanga hǝwǝr berip: ‹Bu yǝrdǝ olturƣanlarning aldida wǝ hǝlⱪimning aⱪsaⱪallirining aldida uni setiwalƣin› demǝkqi idim. Yeⱪin tuƣⱪanliⱪ ⱨoⱪuⱪum boyiqǝ bu yǝrni alimǝn desǝng, alƣin. Lekin yeⱪin tuƣⱪanliⱪ ⱨoⱪuⱪum boyiqǝ almay desǝng, manga eytⱪin. Mǝn buni bilǝy, qünki sǝndin baxⱪisining yeⱪin tuƣⱪanliⱪ ⱨoⱪuⱪi yoⱪ, ǝmma sǝndin keyin mening ⱨoⱪuⱪum bar» dedi. U kixi: «Yeⱪin tuƣⱪanliⱪ ⱨoⱪuⱪum boyiqǝ uni alay» dǝp jawab bǝrdi. 5 Bo’az uningƣa: «Yǝrni Na’omining ⱪolidin alsang, mǝrⱨumning ayali Mo’abiy Rutnimu alisǝn. Xu arⱪiliⱪ mǝrⱨumning ismini miras yǝrliridǝ saⱪlap ⱪelixing kerǝk» dedi. 6 Yeⱪin tuƣⱪan bolƣan kixi bolsa: «Undaⱪta, yeⱪin tuƣⱪanliⱪ ⱨoⱪuⱪumni ixlitǝlmǝymǝn, qünki buning bilǝn ɵz mirasimƣa ziyan yǝtküzgüdǝkmǝn. Yeⱪin tuƣⱪanliⱪ ⱨoⱪuⱪumni sǝn ɵzüng üqün ixlitip yǝrni sǝn alƣin. Qünki mǝn ⱨoⱪuⱪumni ixlitǝlmǝymǝn» dedi.
7 Ⱪǝdimki zamanda Isra’ilda mundaⱪ rǝsim-ⱪa’idǝ bar idi: Yeⱪin tuƣⱪanliⱪ ⱨoⱪuⱪining ixliri bolsa yaki tegixix ixliri bolsa, ixni kǝsmǝk üqün bir kixi kǝxini selip, yǝnǝ birigǝ berǝtti. 8 Yeⱪin tuƣⱪan bolƣan kixi Bo’azƣa: «Sǝn uni ɵzüng setiwalƣin» dǝp ɵz kǝxini saldi. 9 Bo’az aⱪsaⱪallarƣa wǝ hǝlⱪning ⱨǝmmisigǝ sɵz ⱪilip: «Silǝr bügün mening Elimelǝkkǝ wǝ Kilyon bilǝn Mahlonƣa tǝwǝ ⱨǝmmini Na’omining ⱪolidin setiwalƣinimƣa guwaⱨ boldunglar. 10 Mǝrⱨumning ismi ⱪerindaxlirining arisidin wǝ xǝⱨirining dǝrwazisidin ɵqürülmǝy, ismining miras yǝrliridǝ saⱪlinip ⱪelixi üqün Mahlonning ayali Mo’abiy Rutni hotunluⱪⱪa aldim. Bügün silǝr buningƣa guwaⱨ boldunglar» dedi.
Boaz Rutni ɵz ǝmrigǝ ilixi arⱪiliⱪ yǝrni ⱪayturup setiwalidu («Rut» 4:9)
13 Andin Bo’az Rutni hotunluⱪⱪa elip, uning bilǝn billǝ boldi. Wǝ Rut Pǝrwǝrdigarning xapa’iti bilǝn ⱨamilidar bolup bir oƣul tuƣdi. 14 Bu qaƣda ayallar Na’omiƣa eytti: «Seni ⱪutuldurƣuqisiz ⱪoymiƣan Pǝrwǝrdigarƣa ⱨǝmdusana bolƣay. Uning nami Isra’ilda izzǝt-abruy tapsun. ◼ 15 U ⱪeriliⱪingda ⱨayatingni yaxnitip seni ǝzizlǝydu. Qünki uni seni sɵyidiƣan, sanga yǝttǝ oƣuldin ǝwzǝl bolƣan kelining tuƣdi.
16 Na’omi balini elip, uni baƣriƣa basti wǝ uning baⱪⱪuqisi boldi. 17 Ⱪoxna ayallar uningƣa isim bǝrdi. Ular: «Na’omi bir oƣul tapti» deyixip, uningƣa Obǝd dǝp isim ⱪoydi. U Yixayning atisi, Yixay bolsa Dawudning atisi idi. ◼
Dawudning nǝsǝbnamisi
18 Pǝrǝzning ǝwladliri tɵwǝndikilǝr: Pǝrǝstin Hǝzron tɵrǝldi, 19 Hǝzrondin Ram tɵrǝldi wǝ Ramdin Aminadab tɵrǝldi,
20 Aminadabtin Naⱨxon tɵrǝldi wǝ Naⱨxondin Salmon tɵrǝldi,
21 Salmondin Bo’az tɵrǝldi wǝ Bo’azdin Obǝd tɵrǝldi,
22 Obǝdtin Yixay tɵrǝldi wǝ Yixaydin Dawud tɵrǝldi.