1 Musa bir Ⱨǝbǝx ⱪizni ɵzigǝ hotun ⱪilip alƣini üqün, Mǝryǝm wǝ Ⱨarun bu Ⱨǝbǝx ayalning sǝwǝbidin Musaning üstidin yaman gǝp ⱪilip: 2 «Əjǝba Pǝrwǝrdigar birla Musa arⱪiliⱪ sɵz ⱪildimu, biz arⱪiliⱪ sɵz ⱪilmidimu?» dedi. Pǝrwǝrdigar buni anglidi. 3 Musa bolsa yǝr yüzidiki ⱨǝmmǝ adǝmlǝrdin kǝmtǝr-mulayim bir kixi idi. 4 Pǝrwǝrdigar dǝrⱨal Musa, Ⱨarun wǝ Mǝryǝmgǝ: «Silǝr üqünglar qiⱪip, uqrixix qedirining aldida ⱨazir bolunglar» dedi. Ular üqilisi qiⱪip kelixti. 5 Pǝrwǝrdigar bulut tüwrüki iqidǝ qüxüp, ibadǝt qedirining kirix eƣizida turup, Ⱨarun wǝ Mǝryǝmni qaⱪirdi. Ular Uning aldiƣa kǝldi. 6 U sɵzlǝp: «Mening sɵzümni anglanglar. Aranglarda bir pǝyƣǝmbǝr bolsa, Mǝn, Pǝrwǝrdigar, uningƣa wǝⱨiydǝ Özümni ayan ⱪilimǝn, qüxidǝ sɵz ⱪilimǝn. 7 Lekin hizmǝtkarim Musa undaⱪ ǝmǝs, u Mening pütün ɵyümdǝ Manga sadiⱪtur. 8 Uning bilǝn sɵzlǝxsǝm, yüzmu-yüz turup, tepixmaⱪ eytmay, axkara gǝp ⱪilimǝn. U Pǝrwǝrdigarning didarini kɵrǝlǝydu. Xundaⱪ turuⱪluⱪ nemixⱪa hizmǝtkarim Musaning üstidin yaman gǝp ⱪilixtin ⱪorⱪmidinglar?» dedi. ^◼  

9 Ularƣa Pǝrwǝrdigarning ƣǝzipi ⱪozƣaldi wǝ U ulardin ayrilip kǝtti. 10 Əmma bulut ibadǝt qediridin ayrilip kǝtkǝn ⱨaman Mǝryǝm mahaw kesiligǝ giriptar bolup, ⱪardǝk aⱪ bolup ⱪaldi. Ⱨarun Mǝryǝmgǝ burulup ⱪariƣanda, mana, u mahaw kesili bolup ⱪalƣanidi.

11 Ⱨarun Musaƣa sɵz ⱪilip: «Əy hojam, biz nadanliⱪimizda ⱪilƣan gunaⱨning yükini bizgǝ artip ⱪoymiƣin. 12 Uni ɵz anisining ⱪorsiⱪidin qiⱪⱪandila yerim qirigǝn, ɵlük tuƣulƣan balidǝk ⱪilip ⱪoymiƣin» dedi. 13 Xuning bilǝn Musa Pǝrwǝrdigarƣa pǝryad ⱪilip: «Əy Huda, uni saⱪaytⱪaysǝn» dedi. 14 Pǝrwǝrdigar Musaƣa jawab berip: «Əgǝr atisi uning yüzigǝ tükürgǝn bolsa, u yǝttǝ küngiqǝ hijalǝt tartⱪan bolatti ǝmǝsmu? Əmdi u yǝttǝ küngiqǝ bargaⱨning taxⱪirida solaⱪliⱪ oltursun, andin keyin ⱪayturup kelinsun» dedi. 15 Buning bilǝn Mǝryǝm yǝttǝ küngiqǝ bargaⱨning taxⱪirida solaⱪliⱪ turdi. Hǝlⱪ bolsa Mǝryǝm ⱪaytip kǝlgüqǝ ⱪozƣilip mangmidi. 16 Andin keyin hǝlⱪ ⱪozƣilip, Hazerottin qiⱪip, Paran qɵligǝ kelip u yǝrdǝ qedir-bargaⱨ tikti.