1 Əmma Pǝrwǝrdigar Abramƣa mundaⱪ degǝnidi: «Sǝn ɵz yurtungdin qiⱪip, jǝmǝting wǝ atangning ɵyidin ayrilip, Mǝn sanga kɵrsitidiƣan zeminƣa barƣin. 2 Xundaⱪ ⱪilsang, Mǝn seni qong bir hǝlⱪ ⱪilimǝn, sanga bǝrikǝt ata ⱪilip, namingni uluƣ ⱪilimǝn. Ⱨǝmdǝ sǝn baxⱪilarning bǝrikǝt tepixiƣa sǝwǝb bolisǝn. 3 Sanga bǝrikǝt tiligǝnlǝrgǝ bǝrikǝt ata ⱪilimǝn. Sanga lǝnǝt oⱪuƣanlarƣa lǝnǝt yaƣdurimǝn. Sening wasitǝng bilǝn dunyadiki ⱨǝmmǝ ⱪǝbililǝr bǝrikǝt tapidu».

4 Abram Pǝrwǝrdigar uningƣa eytⱪini boyiqǝ yolƣa qiⱪti, Lotmu uning bilǝn billǝ mangdi. Abram Ⱨarandin qiⱪⱪinida yǝtmix bǝx yaxta idi. 5 Abram ɵz ayali Saray bilǝn ⱪerindixining oƣli Lotni, ularning yiƣⱪan barqǝ malliri wǝ Ⱨaranda tapⱪan adǝmlǝrni billǝ elip, Kǝn’an zeminiƣa berix üqün yolƣa qiⱪti. Xundaⱪ ⱪilip, ular Kǝn’an zeminiƣa yetip kǝldi. 6 Abram zeminni kezip, Xǝkǝm degǝn jaydiki Morǝⱨning dub dǝrihigiqǝ yetip bardi. U qaƣda u zeminda Kǝn’aniylar turatti. 7 Pǝrwǝrdigar Abramƣa kɵrünüp, uningƣa: «Mǝn bu zeminni sening uruⱪ-ǝwladingƣa berimǝn» dedi. Xuning bilǝn u ɵzigǝ kɵrüngǝn Pǝrwǝrdigarƣa bir ⱪurbangaⱨ saldi.

8 Andin keyin u bu yǝrdin yɵtkilip, Bǝytǝlning xǝrⱪ tǝripidiki taƣliⱪⱪa bardi wǝ qedirini tikti. Ƣǝrb tǝripidǝ Bǝytǝl, xǝrⱪ tǝripidǝ Ⱨay degǝn jay bar idi. U bu yǝrdimu Pǝrwǝrdigarƣa bir ⱪurbangaⱨ yasap, Pǝrwǝrdigarning namini qaⱪirip ibadǝt ⱪildi.

9 Andin keyin Abram kɵqüp yürüp, jǝnubiy zeminƣa yɵtkǝldi. ^◼  

10 U zeminda aqarqiliⱪ yüz berip, ⱪǝⱨǝtqilik intayin eƣir bolƣaqⱪa, Abram waⱪitliⱪ turux üqün Misirƣa bardi. 11 U Misirƣa yeⱪinlaxⱪanda ɵz ayali Sarayƣa sɵzlǝp: «Ⱪara, mǝn sening qirayliⱪ ikǝnlikingni bilimǝn. 12 Misirliⱪlar seni kɵrsǝ, ‹Bu uning ayali ikǝn› dǝp, meni ɵltürüwetip, seni tirik ⱪalduridu. 13 Xunga ɵtünǝyki, sǝn: ‹Mǝn uning singlisi› degin. Xundaⱪ ⱪilsang, mǝn sening sǝwǝbingdin ulardin yahxiliⱪ kɵrüp, sening wasitǝng bilǝn ⱨayat ⱪalimǝn» dedi.

14 Abram Misirƣa kirgǝndǝ Misirliⱪlar ayalning intayin qirayliⱪ ikǝnlikini kɵrdi. 15 Fir’ǝwnning ǝmirlirimu uni kɵrüp, Fir’ǝwngǝ uning tǝripini ⱪildi. Xuning bilǝn ayal Fir’ǝwnning ordisiƣa kǝltürüldi. 16 Fir’ǝwn uning sǝwǝbidin Abramƣa iltipat ⱪilƣaqⱪa, Abram ⱪoy, kala, ⱨangga exǝk, ⱪul-dedǝk, mada exǝk wǝ tɵgilǝrgǝ igǝ boldi. 17 Əmma Pǝrwǝrdigar Fir’ǝwn wǝ uning ɵyidikilǝrni Abramning ayali Sarayning sǝwǝbidin eƣir wabalarƣa giriptar ⱪildi. 18 Fir’ǝwn Abramni qaⱪirip, uningƣa: «Bu manga nemǝ ⱪilƣining? Nemixⱪa uning ɵz ayaling ikǝnlikini manga eytmiding? 19 Nemixⱪa ‹U mening singlim› dǝp, mening uni hotunluⱪⱪa eliximƣa sǝwǝb boldung? Mana, sening ayaling! Uni elip yoⱪal!» dedi. 20 Fir’ǝwn ɵz adǝmlirigǝ u toƣrisida ǝmr ⱪilƣandin keyin, ular uni, ayali wǝ pütün barliⱪi bilǝn ⱪoxup yolƣa saldi.