1 Nuⱨning oƣulliri Xem, Ham wǝ Yafǝtning nǝslining bayani mundaⱪ: Topandin keyin ulardin balilar tɵrǝldi.

2 Yafǝtning oƣulliri: Gomǝr, Magog, Maday, Yawan, Tubal, Mǝxǝk wǝ Tiras idi. 3 Gomǝrning oƣulliri bolsa Axkinaz, Rifat wǝ Togarma idi. 4 Yawanning oƣulliri bolsa Elixa, Tarxix, Kittim wǝ Dodanim idi. 5 Bulardin aral-ⱪit’ǝlǝrdǝ yaxaydiƣan millǝtlǝr tarⱪilip qiⱪip, ⱨǝrⱪaysisi ɵz zeminida yaxap, ɵz tilliri wǝ ⱪǝbililiri boyiqǝ baxⱪa-baxⱪa millǝt bolup ⱪaldi.

6 Hamning oƣulliri: Kux, Misir, Put wǝ Kǝn’an idi. 7 Kuxning oƣulliri bolsa Seba, Hawila, Sabta, Ra’ama wǝ Sabtika idi. Ra’amaning oƣulliri bolsa Xeba wǝ Dedan idi.

8 Kuxtin Nimrod tɵrǝldi. U yǝr yüzidǝ naⱨayiti küqtünggür adǝm boldi. 9 Pǝrwǝrdigarning aldida palwan owqi bolƣanidi. Xunga «Huddi Nimrodtǝk Pǝrwǝrdigarning aldida palwan owqi ikǝn» degǝn sɵz tarⱪaldi. 10 Uning sǝltǝniti Xinar zeminidiki Babil, Erǝk, Akkad wǝ Kalnǝ degǝn xǝⱨǝrlǝrdin baxlanƣanidi. 11 U bu zemindin qiⱪip Assurƣa berip, Ninǝwǝ, Rǝhobot-Ir wǝ Kalaⱨ xǝⱨǝrlǝrni ⱪurup, 12 Ninǝwǝ bilǝn qong xǝⱨǝr Kalaⱨning arisida Resǝn xǝⱨirinimu bina ⱪildi.

13 Misirning ǝwladliri Ludiylar, Anamiylar, Leⱨabiylar, Naftuⱨiylar, 14 Patrosiylar wǝ Filistiniylǝrning ata-bowiliri bolƣan Kasluⱨiylar wǝ Kaftoriylar idi.

15 Kǝn’andin uning tunji oƣli Sidon wǝ Hit tɵrǝldi. 16 Yǝbusiylar, Amoriylar, Girgaxiylar, 17 Hiwwiylar, Arⱪiylar, Siniylar, 18 Arwadiylar, Zemariylar wǝ Hamatiylar uning ǝwladliri idi. Keyin Kǝn’anning ⱪǝbililiri yeyilip tarⱪilixⱪa baxlidi. 19 Kǝn’aniylarning zeminining qegrisi Sidondin tartip Gǝrarni boylap, Gazaƣiqǝ qiⱪip, andin Sodom, Gomorra, Adma wǝ Ziboyim tǝripigǝ ⱪayrilip, Laxaƣiqǝ yetip bardi. 20 Bular Hamning oƣulliri bolup, ɵz ⱪǝbililiri wǝ tilliri boyiqǝ millǝtlǝr bolup ɵz zeminlirida olturaⱪlaxti.

21 Yafǝtning akisi bolƣan Xemgimu oƣullar tuƣuldi, u ⱨǝmmǝ Ebǝrlǝrning atisi boldi. 22 Xemning oƣulliri Elam, Assur, Arpahxad, Lud wǝ Arram idi. 23 Arramning oƣulliri bolsa Uz, Ⱨul, Gǝtǝr wǝ Max idi. 24 Arpahxadtin Xalaⱨ tɵrǝldi. Xalaⱨtin Ebǝr tɵrǝldi. 25 Ebǝrdin ikki oƣul tɵrǝldi. Birining eti Pǝlǝg idi, qünki uning dǝwridǝ yǝr yüzi bɵlündi. Uning ⱪerindixi Yoⱪtan dǝp ataldi. ^◼   26 Yoⱪtandin Almodad, Xǝlǝf, Hazarmawǝt, Yeraⱨ, 27 Ⱨadoram, Uzal, Diⱪla, 28 Obal, Abima’ǝl, Xeba, 29 Ofir, Hawila wǝ Yobab tɵrǝldi. Bularning ⱨǝmmisi Yoⱪtanning oƣulliri idi. 30 Ularning turƣan jayliri Mexadin tartip, Sefarning xǝrⱪ tǝripidiki taƣⱪiqǝ sozulatti. 31 Bular Xemning oƣulliri bolup, ɵz ⱪǝbililiri wǝ tilliri boyiqǝ millǝtlǝr bolup ɵz zeminlirida olturaⱪlaxti.

32 Bular ɵz nǝsǝbliri wǝ ⱪǝbililiri boyiqǝ Nuⱨning oƣullirining nǝsilliri idi. Topandin keyinki hǝlⱪ-millǝtlǝr ulardin qiⱪip, yǝr yüzigǝ tarⱪaldi.