1 Yǝnǝ bir küni, ‹Hudaning oƣulliri› Pǝrwǝrdigarning aldida ⱨazir boluxⱪa kǝldi. Xaytanmu ularning arisida idi. ^◼   2 Pǝrwǝrdigar xǝytandin: «Ⱪǝyǝrdin kǝlding?» dǝp soridi. Xǝytan Pǝrwǝrdigarƣa jawab berip: ««Uyaⱪ-buyaⱪni kezip, yǝr yüzini aylinip kǝldim» dedi. 3 Pǝrwǝrdigar xǝytanƣa: «Hizmǝtkarim Əyyubⱪa diⱪⱪǝt ⱪilƣansǝn? Yǝr yüzidǝ uningdǝk Hudadin ⱪorⱪup yamanliⱪtin ⱪaqidiƣan kamil wǝ durus kixi yoⱪtur. Sǝn Meni uni sǝwǝbsiz ⱨalak ⱪilixⱪa ⱪutratⱪan bolsangmu, u yǝnila ɵz durusluⱪini qing saⱪlidi» dedi. 4 Xǝytan Pǝrwǝrdigarƣa jawab berip: «Terǝ orniƣa terǝ! Adǝm degǝn bar-yoⱪini ɵz jeni üqün beridu. 5 Əgǝr Sǝn ǝmdi ⱪolungni uzitip uning ǝt-sɵngǝklirigǝ tǝgküzsǝng, u Sǝndin yüz ɵrüp Sanga lǝnǝt oⱪuydu» dedi. 6 Pǝrwǝrdigar xǝytanƣa: «Mana, u sening ⱪolungda, ǝmma uning jeniƣa tǝgmǝysǝn» dedi. 7 Xuning bilǝn xǝytan Pǝrwǝrdigarning ⱨuzuridin qiⱪip, Əyyubni putining tapinidin tartip qoⱪⱪisiƣiqǝ yaman qaⱪilar bilǝn urdi. 8 Əyyub ɵzini ⱪaxlaxⱪa bir sapal parqisini aldi, kül iqidǝ olturatti. 9 Ayali uningƣa: «Sǝn ɵz durusluⱪungdǝ tehiqǝ qing turamsǝn? Əmdi Hudadin yüz ɵrüp, ɵlüpla tügǝx» dedi. 10 Əmma u uningƣa: «Sǝn ǝhmǝⱪ ayallardǝk gǝp ⱪiliwatisǝn. Hudaning ⱪolidin yahxi nǝrsini ⱪobul ⱪilƣandin keyin, yaman nǝrsini ⱪobul ⱪilmaymizmu?» dedi. Buning ⱨǝmmisidǝ Əyyub lǝwliri bilǝn gunaⱨ ⱪilmidi.

11 Əyyubning temanliⱪ Elifaz, xu’aⱨliⱪ Bildad wǝ na’amatliⱪ Zofar degǝn üq dosti uning bexiƣa kǝlgǝn balayi’apǝtlǝrdin ⱨǝwǝr tepip, ⱨǝrbiri ɵz jayidin kelip yiƣilip, uning dǝrdigǝ dǝrman bolup kɵngligǝ tǝsǝlli berix üqün uni yoⱪlap berixⱪa kelixkǝnidi. 12 Ular yiraⱪtin kɵrüp, uni toniyalmay ⱪaldi. Andin ün selip yiƣlixip kǝtti. Ⱨǝrbiri ɵz tonini yirtip, baxlirining üstigǝ topa qeqixti. 13 Yǝttǝ keqǝ-kündüz ular uning bilǝn billǝ yǝrdǝ olturdi. Ⱨeqⱪaysisi uningƣa eƣiz eqip sɵz ⱪilmidi, qünki uning dǝrdining ⱪanqilik eƣir ikǝnlikini kɵrgǝnidi.