1 Bu wǝⱪǝlǝrdin keyin Pǝrwǝrdigarning sɵzi Abramƣa wǝⱨiydǝ kǝldi, U uningƣa: «Əy Abram ⱪorⱪmiƣin. Mǝn sening ⱪalⱪining, sening naⱨayiti uluƣ in’aming» dedi. 2 Lekin Abram: «Əy Rǝbbim Pǝrwǝrdigar, Sǝn manga nemǝ berisǝn? Mana, mening ɵmrüm pǝrzǝntsiz ɵtüwatⱪaqⱪa, dǝmǝxⱪliⱪ Eliyǝzǝr ɵyümning igisi bolidu» dedi. 3 Abram yǝnǝ: «Sǝn manga ǝwlad bǝrmiding. Xunga ɵyümdiki hizmǝtkarim manga waris bolidu» dedi. 4 Xu ⱨaman Pǝrwǝrdigarning sɵzi uningƣa kǝldi, U uningƣa: «Bu kixi sanga waris bolmaydu, bǝlki ɵz puxtungdin bolƣan kixi sanga waris bolidu» dedi. 5 Xuning bilǝn, Huda uni taxⱪiriƣa elip qiⱪip: «Əmdi asmanƣa ⱪarap, yultuzlarning sanini dǝp baⱪ, ǝgǝr saniyalisang» dedi. Andin keyin uningƣa: «Sening nǝslingmu ulardak kɵp bolidu» dedi. 6 Abram bolsa Pǝrwǝrdigarƣa ixǝndi. Pǝrwǝrdigar buning üqün uni ⱨǝⱪⱪaniy dǝp ⱨesablidi.

7 U yǝnǝ uningƣa: «Seni bu zeminƣa igǝ ⱪilay dǝp, seni Kaldaniylarning zeminidiki Urdin elip qiⱪⱪan Pǝrwǝrdigar Mǝndurmǝn» dedi. 8 Lekin Abram: «Əy Rǝbbim Pǝrwǝrdigar, mǝn uningƣa igǝ bolidiƣinimni ⱪandaⱪ bilimǝn?» dedi. 9 Pǝrwǝrdigar uningƣa: «Mǝn üqün üq yaxliⱪ bir inǝk, üq yaxliⱪ bir ɵqkǝ, üq yaxliⱪ bir ⱪoqⱪar, bir pahtǝk wǝ bir kǝptǝr baqkisini elip kǝlgin» dedi. 10 U bularning ⱨǝmmisini elip kelip, otturidin ikki parqǝ ⱪilip, ⱨǝrbir parqini yǝnǝ bir parqisining uduliƣa ⱪoyup ⱪoydi, ǝmma ⱪuxlarni parqilimidi. 11 Ⱪuxlar kelip, bu jǝsǝtlǝrgǝ qüxkǝndǝ, Abram ularni ürkütüp ⱪoƣliwǝtti. 12 Lekin kün patⱪanda Abramni eƣir bir uyⱪu basti wǝ mana, uningƣa ⱪorⱪunqluⱪ qong ⱪarangƣuluⱪ qüxti. 13 U waⱪitta Pǝrwǝrdigar Abramƣa mundaⱪ dedi: «Bilip ⱪoyƣinki, sening nǝsling ɵzlirining bolmiƣan zeminda musapir bolup, u yǝrning hǝlⱪigǝ ⱪulluⱪ ⱪilidu. Ular tɵt yüz yil ularƣa zulum salidu. 14 Lekin Mǝn ularni ⱪul ⱪilƣuqi hǝlⱪ üstidin ⱨɵküm qiⱪirimǝn. Andin keyin ular nurƣun mal-mülük bilǝn u yǝrdin qiⱪidu. 15 Əmma sǝn bolsang, aman-esǝn ǝjdadliringning ⱪexiƣa ketisǝn, uzun ɵmür kɵrüp andin dǝpnǝ ⱪilinisǝn. 16 Lekin nǝsling tɵt ǝwladtin keyin, bu yǝrgǝ ⱪaytip kelidu. Qünki Amoriylarning gunaⱨi tehi qekigǝ yǝtmidi». 17 Kün petip tamamǝn ⱪarangƣu bolƣanda, mana, tütün qiⱪip turƣan bir otdan wǝ yalⱪunluⱪ bir mǝs’ǝl kɵrünüp, bu gɵx parqiliri otturisidin ɵtüp kǝtti. 18 U künning ɵzidǝ Pǝrwǝrdigar Abram bilǝn ǝⱨdǝ tüzüp mundaⱪ dedi: «Mǝn sening nǝslinggǝ, Misirning dǝryasidin tartip Uluƣ dǝrya, yǝni Firat dǝryasiƣiqǝ bolƣan zeminni berimǝn, 19 ularƣa Ⱪeniylar, Ⱪeniziylar, Ⱪadmoniylar, 20 Hittiylar, Pǝrizziylǝr, Refa’iylar, 21 Amoriylar, Kǝn’aniylar, Girgaxiylar wǝ Yǝbusiylarning zeminini ata ⱪilimǝn».