1 Bu Adǝm’atining ǝwladlirining nǝsǝbnamisidur. Huda adǝmni yaratⱪan küni uni Hudaƣa ohxaydiƣan ⱪilip yaratti. 2 U ularni ǝr wǝ ayal ⱪilip yaritip, ularƣa bǝrikǝt ata ⱪilip, ularni yaritilƣan künidǝ «adǝm» dǝp atidi.

3 Adǝm’ata bir yüz ottuz yexida ɵzigǝ ohxaydiƣan, ɵz sürǝt-obrazida bir oƣul pǝrzǝnt kɵrdi. U uningƣa Xet dǝp at ⱪoydi. 4 Xet tuƣulƣandin keyin, Adǝm’ata yǝnǝ sǝkkiz yüz yil yaxap, yǝnǝ oƣul-ⱪiz pǝrzǝntlǝr kɵrdi. 5 Adǝm’ata jǝm’iy toⱪⱪuz yüz ottuz yil ɵmür kɵrüp, wapat boldi.

6 Xet bir yüz bǝx yaxⱪa kirgǝndǝ, uningdin Enox tɵrǝldi. 7 Enox tuƣulƣandin keyin, Xet yǝnǝ sǝkkiz yüz yǝttǝ yil yaxap, yǝnǝ oƣul-ⱪiz pǝrzǝntlǝr kɵrdi. 8 Xet jǝm’iy toⱪⱪuz yüz on ikki yil ɵmür kɵrüp, wapat boldi.

9 Enox toⱪsan yaxⱪa kirgǝndǝ, uningdin Ⱪenan tɵrǝldi. 10 Ⱪenan tuƣulƣandin keyin, Enox yǝnǝ sǝkkiz yüz on bǝx yil yaxap, yǝnǝ oƣul-ⱪiz pǝrzǝntlǝr kɵrdi. 11 Enox jǝm’iy toⱪⱪuz yüz bǝx yil ɵmür kɵrüp, wapat boldi.

12 Ⱪenan yǝtmix yaxⱪa kirgǝndǝ, uningdin Maⱨalalǝl tɵrǝldi. 13 Maⱨalalǝl tuƣulƣandin keyin, Ⱪenan yǝnǝ sǝkkiz yüz ⱪiriⱪ yil yaxap, yǝnǝ oƣul-ⱪiz pǝrzǝntlǝr kɵrdi. 14 Ⱪenan jǝm’iy toⱪⱪuz yüz on yil ɵmür kɵrüp, wapat boldi.

15 Maⱨalalǝl atmix bǝx yaxⱪa kirgǝndǝ, uningdin Yarǝd tɵrǝldi. 16 Yarǝd tuƣulƣandin keyin, Maⱨalalǝl yǝnǝ sǝkkiz yüz ottuz yil yaxap, yǝnǝ oƣul-ⱪiz pǝrzǝntlǝr kɵrdi. 17 Maⱨalalǝl jǝm’iy sǝkkiz yüz toⱪsan bǝx yil ɵmür kɵrüp, wapat boldi.

18 Yarǝd bir yüz atmix ikki yaxⱪa kirgǝndǝ, uningdin Hanok tɵrǝldi. 19 Hanok tuƣulƣandin keyin, Yarǝd yǝnǝ sǝkkiz yüz yil yaxap, yǝnǝ oƣul-ⱪiz pǝrzǝntlǝr kɵrdi. 20 Yarǝd jǝm’iy toⱪⱪuz yüz atmix ikki yil ɵmür kɵrüp, wapat boldi.

21 Hanok atmix bǝx yaxⱪa kirgǝndǝ, uningdin Mǝtuxǝlaⱨ tɵrǝldi. 22 Mǝtuxǝlaⱨ tuƣalƣandin keyin, Hanok üq yüz yilƣiqǝ Hudaƣa yeⱪin yaxap, Uning yolida mangdi. U yǝnǝ oƣul-ⱪiz pǝrzǝntlǝr kɵrdi. 23 Hanok jǝm’iy üq yüz atmix bǝx yil ɵmür kɵrdi. 24 Hanok Hudaƣa yeⱪin yaxap Uning yolida mengip, ƣayib bolup kǝtti. Qünki Huda uni elip kǝtkǝnidi.

25 Mǝtuxǝlaⱨ bir yüz sǝksǝn yǝttǝ yaxⱪa kirgǝndǝ, uningdin Lamǝk tɵrǝldi. 26 Lamǝk tuƣulƣandin keyin, Mǝtuxǝlaⱨ yǝnǝ yǝttǝ yüz sǝksǝn ikki yil yaxap, yǝnǝ oƣul-ⱪiz pǝrzǝntlǝr kɵrdi. 27 Mǝtuxǝlaⱨ jǝm’iy toⱪⱪuz yüz atmix toⱪⱪuz yil ɵmür kɵrüp, wapat boldi.

28 Lamǝk bir yüz sǝksǝn ikki yaxⱪa kirgǝndǝ bir oƣul pǝrzǝnt kɵrüp, 29 uning etini Nuⱨ dǝp ⱪoyup: «Bu bala biz Hudaning lǝnitigǝ uqriƣan yǝrdǝ ixliginimizdǝ, ⱪollirimizning muxǝⱪⱪǝtlik meⱨnitigǝ tǝsǝlli bolidu» dedi. ^◼   30 Nuⱨ tuƣulƣandin keyin, Lamǝk yǝnǝ bǝx yüz toⱪsan bǝx yil yaxap, yǝnǝ oƣul-ⱪiz pǝrzǝntlǝr kɵrdi. 31 Lamǝk jǝm’iy yǝttǝ yüz yǝtmix yǝttǝ yil ɵmür kɵrüp, wapat boldi.

32 Nuⱨ bǝx yüz yaxⱪa kirgǝndin keyin, uningdin Xem, Ham wǝ Yafǝt tɵrǝldi.